វិស័យទេសចរណ៍កម្ពុជា នឹងផ្ទុះការផ្សព្វផ្សាយទៅកាន់ពិភពលោកមិនខាន! ក្រុមហ៊ុន តូយ៉ូតា ខេមបូឌា បានត្រៀមខ្លួនរួចជាស្រេចនឹងចូលរួមជាមួយ ព្រឹត្តិការណ៍ក្បួនរថយន្តលំដាប់ពិភពលោក Gumball 3000 ដែលប្រមូលផ្ដុំទៅដោយប្រភេទរថយន្ត Hypercar, Supercar, Sportcar និងរថយន្តប្រណីតៗ ទាំងនៅរាជធានីភ្នំពេញ និងទៅកាន់ខេត្តសៀមរាប  ចាប់ផ្តើមនៅថ្ងៃទី 15-17 ខែកញ្ញា ឆ្នាំ២០២៤។
 

 
ព្រឹត្តិការណ៍ GUMBALL 3000 គឺជាព្រឹត្តិការណ៍អន្តរជាតិមួយដែលប្រមូលផ្តុំទៅដោយរថយន្ត Supercar និងកំពូលរថយន្តប្រណិតៗ ពីសំណាក់ជនមានឥទ្ធិពល ធុរជន កីឡាករ និងកំពូលតារាលំដាប់ពិភពលោក ដែលធ្វើដំណើរឆ្លងកាត់ពីទ្វីបមួយទៅទ្វីបមួយជុំវិញពិភពលោក ដែលមានរយ:ចម្ងាយសរុប ៣០០០ម៉ាយ៍។ ជាក់ស្តែងក្នុងឆ្នាំ២០២៤ នេះព្រឹត្តិការណ៍ GUMBALL 3000 ក៏មានការឆ្លងកាត់ប្រទេសកម្ពុជាផងដែរ ដែលធ្វើដំណើរចេញពីប្រទេសវៀតណាម មកកាន់ប្រទេសកម្ពុជា ប្រទេសថៃ និងបញ្ចប់នៅប្រទេសសឹង្ហបុរី។ ហើយសម្រាប់ព្រឹត្តិការណ៍ដ៏ធំមួយនេះ ក្រុមហ៊ុនតូយ៉ូតា (ខេមបូឌា) ជាអ្នកឧបត្ថមធំផ្លូវការផងដែរ។
នៅក្នុងនោះព្រឹត្តិការណ៍ដែលនឹងមានវត្តមាននៅកម្ពុជានៅថ្ងៃទី ១៥-១៦-១៧ ដែលរៀបចំសម្របសម្រួលដោយក្រសួងទេសចរណ៍ សហការជាមួយក្រុមហ៊ុន ជីប ម៉ុង និងស្ថាប័នពាក់ព័ន្ធនានា ព្រមទាំងមានការចូលរួមពីសំណាក់ម្ចាស់ Supercar, Hypercar និងក្រុមហ៊ុនល្បីៗ រួមទាំងក្រុមហ៊ុនតូយ៉ូតា (ខេមបូឌា)ផងដែរ។ ជាមួយការចូលរួមព្រឹត្តិការណ៍អន្តរជាតិនេះ តំណាងមកពីក្រុមហ៊ុនតូយ៉ូតា (ខេមបូឌា) បានបង្ហាញចេញនូវវត្ថុបំណងសំខាន់ៗចំនួនធំៗ ២ ដែលធ្វើអោយខ្លួនសម្រេចចិត្តចូលរួមក្នុងព្រឹត្តិការណ៍នេះ៖

·       ចូលរួមជំរុញវិស័យទេសចរណ៍ និងកេត្តិ៍ឈ្មោះរបស់ប្រទេសកម្ពុជាទៅកាន់ពិភពលោក អោយកាន់តែរីកសុះសាយ ដែលព្រឹត្តិការណ៍នេះនឹងបើកឳកាសអោយវិនិយោគគិនឯកជន បរទេស និងនៅក្នុងស្រុកមានការជួបជុំគ្នា លើសពីនេះការបង្កើតកំណត់ត្រាពិភពលោក Gennies World Record នៅខាងមុខប្រាសាទអង្គរវត្ត

·       ចូលរួមគាំទ្រ និងរៃអង្គាសទឹកប្រាក់ចូលរួមសប្បុរសធម៌ ដើម្បីបរិច្ចាគទៅកាន់មន្ទីពេទ្យកុមារអង្គរ ខេត្តសៀមរាប 
គួរបញ្ជាក់ថាដែរ ទិសដៅធ្វើដំណើរសម្រាប់កម្មវិធី GUMBALL 3000 នៅកម្ពុជា ដែលនឹងធ្វើឡើងនៅថ្ងៃទី ១៥-១៦-១៧ ខែកញ្ញា ឆ្នាំ ២០២៤ ដែលដំណើរការចាប់ពី៖

·       ថ្ងៃទី១៥ ខែកញ្ញា ឆ្នាំ២០២៤

·       បើកបរពីបាវិតទៅភ្នំពេញ

·       ចំណតនៅវិមានឯករាជ្យភ្នំពេញ

·       ការប្រគំតន្ត្រីនៅវត្តបទុមវតី

·       ថ្ងៃទី១៦ ខែកញ្ញា ឆ្នាំ២០២៤

·       បើកបរពីភ្នំពេញទៅសៀមរាប

·       ថ្ងៃទី១៧ ខែកញ្ញា ឆ្នាំ២០២៤

·       ការតាំងបង្ហាញរថយន្តនៅមុខប្រាសាទអង្គរវត្ត ដើម្បីបំបែកកំណត់ត្រាពិភពលោក

·       បើកបរពីសៀមរាបទៅច្រកទ្វារ ប៉ោយប៉ែត៕