ក្រុមហ៊ុន ជីប ម៉ុង លែន ដែលជាបុត្រសម្ព័ន្ធរបស់ក្រុមហ៊ុន ជីប ម៉ុង កាលពីថ្ងៃទី២១ ខែមករា ឆ្នាំ២០២៥ កន្លងទៅថ្មីៗនេះ បានបើកការដ្ឋានសាងសង់គម្រោងមជ្ឈមណ្ឌលកីឡា ២៧១ ដែលមានទីតាំងក្បែរនឹងផ្សារទំនើប ជីប ម៉ុង ២៧១ មេហ្គា ម៉ល។

តាមការបញ្ជាក់ពីខាងក្រុមហ៊ុន មជ្ឈមណ្ឌលកីឡា ២៧១ គឺជាមជ្ឈមណ្ឌលកីឡាធំជាងគេនៅរាជធានីភ្នំពេញ។ ហើយវត្តមាននៃមជ្ឈមណ្ឌលកីឡា​ដ៏ធំនេះនឹងជួយលើកស្ទួយដល់វិស័យសុខភាពប្រជាជនក្នុងតំបន់ឲ្យកាន់ល្អប្រសើរ ព្រមទាំងផ្តល់ភាពងាយស្រួលមួយម្រិតទៀតដោយនៅទីនេះមានគ្រប់សព្វបែបយ៉ាង។

អ្វីដែលគួរឲ្យកត់សម្គាល់នៅមជ្ឈមណ្ឌលកីឡា ២៧១ នឹងមានប្រភេទកីឡាជាច្រើនដូចជា WallClimbing, កន្លែងវាយសី, កន្លែងលេងប៉ាល់បោះ, កន្លែងលេងបាល់ទះ, កន្លែងទាត់បាល់, កន្លែងលេងប៉េងប៉ុង, និងទីលានរត់ប្រណាំងជាដើម៕