ឱកាសល្អបានមកដល់ហើយ សម្រាប់អ្នកចង់ជិះយន្តហោះ ខណៈនាពេលនេះក្រុមហ៊ុនអាកាសចរណ៍ជាតិកម្ពុជាបានប្រកាសចែកសំបុត្រឥតគិតថ្លៃរហូតដល់ទៅ ២០២៥សំបុត្រទៅដល់និសិ្សតកម្ពុជាគ្រប់រូបចាប់ពីថ្នាក់បរិញ្ញាបត្ររងរហូតដល់ថ្នាក់អនុបណ្ឌិត។

ជាក់ស្តែង បើតាមការបង្ហោះលើផេកផ្លូវការរបស់ Cambodia Angkor Air បានឱ្យដឹងថា ដើម្បីទទួលបានសំបុត្រឥតគិតថ្លៃ និសិ្សតទាំងអស់គ្រាន់តែធ្វើតាមការណែនាំរបស់ពួកយើងដូចខាងក្រោម៖

១. មកកាន់ស្នាក់ការកណ្តាលរបស់ក្រុមហ៊ុនអាកាសចរណ៍ជាតិកម្ពុជា នៅអគារលេខ ២០៦អា មហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន

២.សូមភ្ជាប់ជាមួយនឹងឯកសារយោងដូចជា កាតសិស្ស និងអត្តសញ្ញាបណ្ណ ឬលិខិតឆ្លងដែន

៣. Follow Facebook Page របស់ ក្រុមហ៊ុនអាកាសចរណ៍ជាតិកម្ពុជា

៤. Like និង Share ផុសមួយនេះជាសាធារណៈ និង mentions មិត្តភក្ដ័ចំនួន ៥ នាក់រួចភ្ជាប់ជាមួយ screenshot ក្នុង comment

គូសបញ្ជាក់ថា ការចែកលើកទីមួយពីថ្ងៃទី ២២ ដល់ ២៤ ខែមករា ឆ្នាំ ២០២៥ ចំនួន ២៥០សំបុត្រ ។ មកមុនបានមុន ធ្វើដំណើរបានភ្លាមៗ៕