រាប់ចាប់ពីថ្ងៃប្រកួតកីឡាប៉ារ៉ាហ្គេមរបស់អត្តពលិកពិការភាពដែលមានរយៈពេល៤ថ្ងៃនេះ ប្រទេសដែលកំពុងនាំមុខមេដាយមាស គឺប្រទេសឥណ្ឌូនេស៊ី ដែលមានចំនួនសរុបទាំងអស់រួមមាន១៥គ្រឿង។ ក្នុងនោះមេដាយមាសចំនួន១០គ្រឿង មេដាយប្រាក់ចំនួន៤គ្រឿងនិងមេដាយសំរិទ្ធិចំនួន១គ្រឿង។
សម្រាប់ប្រទេសដែលកំពុងតាមប្រកិតពីក្រោយគឺប្រទេសហ្វីលីពីន ដែលដណ្តើមបានមេដាយសរុប១៥គ្រឿង ដែលក្នុងនោះមានមេដាយមាសចំនួនមាសចំនួន៤គ្រឿង មេដាយប្រាក់ចំនួន៥គ្រឿងនិងមេដាយសំរិទ្ធិចំនួន៦គ្រឿង។ ខណៈប្រទេសវៀតណាមឈរនៅលេខរៀងពីក្រោយហ្វីលីពីនដែរ ដោយទទួលបានមេដាយសរុប១១គ្រឿង ដោយមានមេដាយមាស៣គ្រឿង មេដាយប្រាក់៥គ្រឿងនិងសំរិទ្ធិ៥គ្រឿង។
គួរជម្រាបផងដែរថាសម្រាប់ថ្ងៃទី០៣ ខែមិថុនា ម្សិលមិញដែលជាថ្ងៃប្រកួតនិងបើកព្រឹត្តិការណ៍ប៉ារ៉ាហ្គេមជាផ្លូវការផងនោះ ប្រទេសថៃក៏បាននាំមុខគេក្នុងការប្រកួតដែលមានមេដាយមាសច្រើនជាងគេ ដោយមានកម្ពុជានៅលេខរៀងទី២មានមេដាយមាសចំនួន១គ្រឿង និងឥណ្ឌូនេស៊ីនៅលេខរៀងទី៣ មានមេដាយមាសចំនួន១គ្រឿងដែរ។ នេះបើយោងតាមវេបសាយគេហទំព័រផ្លូវការរបស់ព្រឹត្តិការណ៍ស៊ីហ្គេមនិងប៉ារ៉ាហ្គេមកម្ពុជា២០២៣៕
អត្ថបទដោយ៖ ពីង ជូអេង
