ភ្នំពេញ៖ នៅសល់ពេលប៉ុន្មានថ្ងៃទៀតប៉ុណ្ណោះព្រះរាជពិធីបុណ្យអំទូក បណ្ដែតប្រទីប និងសំពះព្រះខែ អកអំបុក នឹងឈានចូលមកដល់ហើយ។ ដោយក្នុងនោះដើម្បីចូលរួមអបអរពិធីបុណ្យជាតិដ៏ធំនេះ ក្រុមហ៊ុន ជីប ម៉ុង រីថែល នឹងរៀបចំព្រឹត្តិការណ៍ «មេហ្គា អុំទូក» នៅផ្សារទំនើប ជីបម៉ុង ២៧១ មេហ្គា ម៉ល ចាប់ពីថ្ងៃទី ១៤ ដល់ ១៧ ខែវិច្ឆិកា ឆ្នាំ២០២៤ខាងមុខផងដែរ។
អ្វីដែលចាប់អារម្មណ៍នៅក្នុងព្រឹត្ដិការណ៍នេះ ក្រុមហ៊ុននឹងមានការតាំងបង្ហាញផលិតផល និងការលក់បញ្ចុះតម្លៃទំនិញជាច្រើនមុខ។
ជាពិសេសក៏មានការរៀបចំទស្សនីយភាពល្ខោនចម្រុះជាច្រើនផ្សេងទៀត ដើម្បីគាសរំលើកសិល្បៈខ្មែរ បង្ហាញជូនដល់បងប្អូនដែលអញ្ជើញចូលរួមកម្មវិធីក្នុងរយៈពេល ៤ ថ្ងៃនេះផងដែររួមមាន៖
- ការសម្តែងល្ខោនចម្រុះដ៏អស្ចារ្យរឿង វីរភាពព្រះនាងជ័យរាជទេវី ដកស្រង់ត្រង់ឈុត «ព្រះបាទជ័យវរ្ម័នទី៧ចេញច្បាំង និងទទួលបានជ័យជំនះ»
- ល្ខោនយីកេ «ធីតាមុខសេះ»
-ល្ខោននិយាយ<<រឿង សូផាត>>
- ការតាំងបង្ហាញទូកងរ និងប្រវត្តិពិធីបុណ្យអុំទូក
- និងការទស្សនាការចាក់បញ្ចាំងកុនដោយឥតគិតថ្លៃនៅ Garden Plasa ផងដែរ។
យ៉ាងណាមុននឹងព្រឹត្តិការណ៍ «មេហ្គា អុំទូក» មកដល់ ផ្សារទំនើប ជីប ម៉ុង ២៧១ មេហ្គា ម៉ល ក៏មានការរៀបចំលក់បញ្ចុះតម្លៃលើទំនិញជាច្រើនមុខរហូតដល់៧០% និងការលក់លាងឃ្លាំង ពីហាងល្បីៗ ចាប់ពីថ្ងៃទី១ រហូតដល់ថ្ងៃទី១៧ ខែវិច្ឆិកា ឆ្នាំ២០២៤។ បន្ថែមពីនេះចាប់ពីថ្ងៃទី៨ ៩ ១០ នឹង ១៤ ១៥ ១៦ ១៧ ខែវិច្ឆិកា ឆ្នាំ២០២៤ តទៅ ក៏មានការតាំងពិព័រណ៍ម្ហូបអាហារ និងវត្ថុស្នាដៃសិល្បៈវប្បធម៌ ដែលមានស្តង់ចូលរួមសរុបជិត ១០០ ស្ដង់ ដែលលោកអ្នកអាចចូលរួមភ្លក្សអាហារដោយសេរីបានផងដែរ។
ក្រៅពីព្រឹត្ដិការណ៍«មេហ្គា អុំទូក» និងពិព័រណ៍ម្ហូបអាហារខាងលើ នៅថ្ងៃទី៧ និងទី៨ ខែធ្នូ ឆ្នាំ២០២៤ ឯណោះវិញ ក្រុមហ៊ុន ជីប ម៉ុង រីថែល ក៏បានសហការជាមួយក្រុមហ៊ុន បក្សី មេឌា រៀបចំកម្មវិធី ពិព័រណ៍អាជីវកម្មកម្ពុជា”លើកទី៣ នៅក្នុងផ្សារទំនើប ជីប ម៉ុង ២៧១ មេហ្គា ម៉លផងដែរ ដើម្បីចាប់ដៃគូសហការជាកម្លាំងចលករជម្រុញទៅដល់ម្ចាស់អាជីវកម្ម និងផលិតផលខ្មែរឱ្យកាន់តែប្រសើរឡើងមួយកម្រិតទៀត។
ហើយកម្មវិធីពិព័រណ៍ដ៏ធំប្រចាំឆ្នាំមួយនេះ ក៏នឹងមានការតាំងបង្ហាញផលិតផលខ្មែរសរុបជាង ១០០ ស្ដង់ ដែលចូលរួមពីម្ចាស់អាជីវកម្មល្បីៗនៅទូទាំងប្រទេស ជាពិសេសមានការលក់បញ្ចុះតម្លៃ និងការផ្ដល់ជូននូវវត្ថុអនុស្សាវរីយ៍ជាច្រើនមុខពីគ្រប់ស្ដង់ទាំងអស់ដែលបានចូលរួមថែមទៀតផង។
កាន់តែអស្ចារ្យទៅទៀតនោះ ក្រៅពីកម្មវិធីដែលបានរៀបរាប់ខាងលើ ផ្សារទំនើប ជីប ម៉ុង ២៧១ មេហ្គា ម៉ល ក៏មានកម្មវិធីប្រូម៉ូសិន Mega Anniversary ដែលជាកម្មវិធីបង្កើតឡើងដើម្បីអបអរខួប ២ ឆ្នាំនៃការបង្កើតផ្សារផងដែរ។ ដោយក្នុងនោះរាល់ការចំណាយចាប់ពី ១៥ ដុល្លារ ឡើងទៅលោកអ្នកនឹងទទួលបានសន្លឹកឆ្នោត ដែលនឹងមានឱកាសឈ្នះរង្វាន់ធំរហូតដល់ ១៥០ រង្វាន់ជារៀងរាល់ខែដូចជា ទូរស័ព្ទ iPhone 16 Pro Max ដែលជាម៉ូឌែលចុងក្រោយបង្អស់ពី Digibox Cambodia និងរង្វាន់ធំរថយន្តស៊េរីទំនើប រចនាបថអាល្លឺម៉ង់ AIQAR EQ3 ចំនួន ១ គ្រឿង។ ដោយការផ្តល់ជូននេះធ្វើឡើងរហូតដល់ថ្ងៃទី៣១ ខែធ្នូ ឆ្នាំ២០២៤ ឯណោះ។
ដូច្នេះសូមកុំភ្លេចអញ្ជើញទៅចូលរួមទស្សនាព្រឹត្តិការណ៍ខាងលើឲ្យបានច្រើនកុះករ ដើម្បីគាំទ្រដល់សិល្បៈវប្បធម៌ខ្មែរ និងមានឱកាសទទួលបានការលក់បញ្ចុះតម្លៃទំនិញ និងផលិតផលយ៉ាងច្រើនសន្ធឹកសន្ធាប់ នៅផ្សារទំនើប ជីប ម៉ុង ២៧១ ម៉េហ្គា ម៉ល។
ក្នុងនោះសម្រាប់ម្ចាស់អាជីវកម្ម ដែលចង់ចូលរួមតាំងបង្ហាញផលិតផល និងម្អូបអាហាររបស់ខ្លួននៅក្នុងកម្មវិធីខាងលើ ដើម្បីឲ្យអតិថិជនស្គាល់កាន់តែច្រើន អាចធ្វើការទាក់ទងជួលស្ដង់តាមរយៈលេខទូរស័ព្ទ+855 66 401 222 ឬទាក់ទងទៅកាន់ហ្វេសប៊ុកផេក Chip Mong 271 Mega Mall ៕
