ជាមោទនភាពមួយសម្រាប់ប្រជាពេលរដ្ឋខ្មែរយើង ដែលដឹងថាខ្មែរអាចច្នៃកសិផលក្នុងស្រុកចេញជាមុខទំនិញជាង១០០មុខ និងអាចបង្កើតការងារដល់ប្រជាជនខ្មែរជាច្រើនគ្រួសារ ហើយថែមទាំងជួយកាត់បន្ថយការនាំចូលផលិតផលពីបរទេសទៀត ខណៈសព្វថ្ងៃផលិតផលទាំងនេះកំពុងដាក់លក់ពេញក្នុងស្រុក និងក្រៅស្រុក។
ថ្លែងក្នុងបទសម្ភាសជាមួយ Business Cambodia លោកឧកញ៉ាឱសថបណ្ឌិត ហៃ លីអ៊ាង ដែលត្រូវបានគេស្គាល់ជា ប្រធានអគ្គនាយកក្រុមហ៊ុន Confirel បានមានប្រសាសន៍ថា លោកបានបញ្ចាប់ការសិក្សាផ្នែកឱសថសាស្រ្តនៅប្រទេសបារាំងនៅឆ្នាំ ១៩៧៨ និងបានបន្តយកបណ្ឌិតរហូតដល់ឆ្នាំ ១៩៨៦ ហើយនៅឆ្នាំ ១៩៩២ លោកឧកញ៉ា ក៏បានវិលត្រឡប់មកប្រទេសកម្ពុជាវិញ ដើម្បីមើលស្ថានភាពជាក់ស្តែងនៅស្ថានភាពប្រទេសកម្ពុជាយើង។
ដោយមើលឃើញឱកាស កំឡុងពេលនោះលោកបានផ្តល់ការផ្គត់ផ្គង់ឱសថក្នុងប្រទេសកម្ពុជាដោយនាំចូលពីប្រទេសបារាំង។ ក្រោយមកទៀតលោកក៏បានបង្កើតនៅសហគ្រាសផលិតទឹកសុទ្ធមុនគេនៅស្រុកខ្មែរបន្ទាប់ពីសង្រ្គោ.មបានចប់ បន្ទាប់មកទៀតរៀងរឹងដៃរឹងជើង នៅឆ្នាំ ២០២១លោកឧកញ៉ា ក៏បានបង្កើតក្រុមហ៊ុន Confirel នេះឡើង ខណៈបច្ចុប្បន្នក្រុមហ៊ុនអាចច្នៃកសិផលខ្មែរចេញជាផលិតផលជាង១០០ មុខ។
ជាមួយគ្នានេះដែរកសិផលដែលលោកឧកញ៉ាបានយកមកច្នៃរួមមាន ត្នោត ម្រេចកំពត ចេក ស្វាយ ល្មៀត ម្នាស់ ខ្ញី ផ្លែដូង និងកសិផលខ្មែរជាច្រើនមុខទៀត ខណៈផលិតផលដែលក្រុមហ៊ុន Confire បានសម្រេចរួមមាន៖ សូកូឡា ស្រា ទឹកជ្រលក់ ស្កត្នោត តែខ្ញីពង្រឹងភាពសុាំ តែសរីរាង្គបណ្តេញជាតិពុល ស្កត្នោត៧រសជាតិ និងផលិតផលជាច្រើនទៀត។
គួរជម្រាបផងដែរថា ផលិតផល Confire ត្រូវទទួលស្គាល់ទាំងក្នុងស្រុកនិងអន្តរជាតិ និងបានបង្កើតការងារជាច្រើនដល់គ្រួសារខ្មែរថែមទៀត លើសពីនេះ Confire ត្រូវបាននាំចេញទៅកាន់ប្រទេស ជប៉ុន បារាំង និងប្រទេសមួយចំនួនធំក្នុងតំបន់អាស៊ានជាច្រើនទៀត។ ប្រសិនជាបងប្អូនចាប់អារម្មណ៍បងប្អូនអាចទំនាក់ទំនងសាកសួរព័ត៌មានបន្ថែមពី ក្រុមហ៊ុន Confirel តាមរយៈទូរសព្ទលេខ៖ (+855) 093 981 724 ឬចូលទៅកាន់ Facebook Page: Confirel៕