ក្រុមហ៊ុន ជីប ម៉ុង លែន ដែលជាបុត្រសម្ព័ន្ធរបស់ក្រុមហ៊ុន ជីម ម៉ុង គ្រុប កាលពីថ្ងៃទី១៥ ខែមីនា ឆ្នាំ២០២៥ កន្លងទៅនេះ បានបើកការដ្ឋានសាងសង់គម្រោងមជ្ឈមណ្ឌលសន្និបាត និងអាពាហ៍ពិពាហ៍ជីបម៉ុង ព្រមជាមួយនឹងគម្រោងហ្គ្រេនលែនម៉ាក ២៧១ ផងដែរ។ ខណៈគម្រោងមជ្ឈមណ្ឌលដ៏ធំនេះគឺជាលើកដំបូងហើយដែលក្រុមហ៊ុនបានធ្វើការសាងសង់។
តាមការបញ្ជាក់ពី អ្នកឧកញ៉ា លាង ហួង (ហេនរី) អគ្គនាយកពហុពាណិជ្ជកម្ម និងជាសមាជិកក្រុមប្រឹក្សាភិបាលក្រុមហ៊ុនជីប ម៉ុងបានឲ្យដឹងថា មជ្ឈមណ្ឌលសន្និបាត និងអាពាហ៍ពិពាហ៍ ជីប ម៉ុង ដ៏ធំសម្បើមនេះគឺមានទីតាំងស្ថិតនៅចំកណ្តាលនៃគម្រោង ហ្គ្រេនលែនម៉ាក ២៧១ និងមានចម្ងាយត្រឹមតែ ៣ នាទីពីផ្សារទំនើប ជីប ម៉ុង ២៧១ មេហ្គាម៉ល។ ហើយមជ្ឈមណ្ឌលសន្និបាត និងអាពាហ៍ពិពាហ៍ខាងលើគឺមានកម្ពស់ ២ ជាន់ ដែលអាចរៀបចំកម្មវិធីអាពាហ៍ពិពាហ៍ និងអាចទទួលភ្ញៀវបានរហូតដល់ជាង ១ ម៉ឺននាក់ឯណោះ។
បន្ថែមលើសពីនេះ មជ្ឈមណ្ឌល សន្និបាត មួយនេះក៏មាន មុខងារនិងសេវាកម្មជាច្រើនបន្ថែមទៀតដូចជា៖ ការតាំងពិព័រណ៍ រៀបចំប្រជុំសន្និបាតខ្នាតធំ និង កន្លែងរៀបចំសិក្ខារសាលាផ្សេងៗជាមួយ ការរចនា ស្តង់ដារអន្តរជាតិដំបូងគេ មានបំពាក់ផ្ទាំង LED ដ៏ទំនើប និងចំណតយានយន្តដ៏ធំទូលាយ ផ្តល់ភាពងាយស្រួលសម្រាប់កម្មវិធីធំៗ៕
