នាពេលថ្មីៗនេះក្រុមហ៊ុនមេរបស់ Tik Tok គឺ ByteDance របស់ប្រទេសចិនបានសម្រេចបញ្ឈប់បុគ្គលិកដែលបានបម្រើការងារនៅប្រទេសម៉ាឡេស៊ីជាង ៧០០នាក់ក្រោមហេតុផលក្រុមហ៊ុនផ្តោតទៅរកការប្រើប្រាស់បច្ចេកវិទ្យា Ai វិញ។ នេះបើយោងតាមការដកស្រង់ពីសារព័ត៌មាន The Jakarta Post នៅពាក់កណ្ដាលខែតុលា ឆ្នាំ២០២៤។
បុគ្គលិកសុំមិនបញ្ជេញឈ្មោះបានប្រាប់ប្រភពព័ត៌មានខាងលើថា ពួកគេបានទទួលដំណឹងនៃការបញ្ឍប់ការងារ តាមរយ:អ៊ីម៉ែលនៅថ្ងៃពុធកន្លងទៅនេះ។ ដើម្បីឆ្លើយតបទៅនឹងសារព័ត៌មាន ក្រុមហ៊ុន Tik Tok បានបញ្ជាក់ថាខ្លួនពិតជាបានបញ្ឈប់បុគ្គលិកផងដែរ ប៉ុន្តែក្រុមហ៊ុន មិនប្រាកដចំនួនច្បាស់លាស់នោះទេ ។
តែទោះជាយ៉ាងណា គេគិតថាមនុស្សជាច្រើននឹងរងផលប៉ះពាល់ដោយសារផែនការកែលម្អអោយមានការត្រួតពិនិត្យមាតិការស្វ័យប្រវត្តិរបស់ Tik Tok ។ ដោយ Tik Tok បានប្រើប្រាស់ប្រព័ន្ធស្វ័យប្រវត្តិនិងមនុស្សដើម្បីត្រួតពិនិត្យមុននឹងបញ្ចេញលើគេហទំព័ររបស់ខ្លួន។
គួរបញ្ជាក់ផងដែរថា បច្ចុប្បន្នក្រុមហ៊ុន Bytedance មានបុគ្គលិកសរុបជាង ១១០០០០ នាក់កំពុងបម្រើការងារក្នុងទីក្រុងជាង ២០០ នៅទូទាំងពិភពលោក។ ហើយក្នុងនោះក្រុមហ៊ុន Tik Tok បាននិយាយថាខ្លួននឹងបន្តវិនិយោគ ២ពាន់លានដុល្លារក្នុងឆ្នាំនេះទៅទូទាំងពិភពលោកដើម្បីបង្កើនទំនុកចិត្ត, សុវត្តិភាព និងប្រសិទ្ធភាព។ ម៉្យាងទៀតមាតិការដែលរំលោភលើគោលការណ៍ណែនាំត្រូវបានកាត់ចេញបាន ៨០ភាគរយពីមាតិវេទិការ Tik Tok៕
អត្ថបទ៖ លីណា