យោងតាមការចុះផ្សាយរបស់ Mac Rumors បានឱ្យដឹងថាកម្មវិធី YouTube បានធ្វើបច្ចុប្បន្នភាពទៅលើ iOS សម្រាប់កំណែទម្រង់ Version ខ្ពស់បំផុតត្រឹម iOS 16 ឡើងឬថ្មីជាងនេះ ដើម្បីដំឡើងនិងដំណើរការ App បាន។
ដូច្នេះការផ្លាស់ប្តូរនេះមានន័យថាទូរស័ព្ទដៃ iPhone និង iPad ចាស់ៗជាច្រើនម៉ូឌែល នឹងមិនអាចប្រើ App យូធូបទៀតទេ។ ក្នុងនោះម៉ូឌែលទូរស័ព្ទដៃដែលមិនអាចដំណើរការអេបយូធូបបានរួមមាន iPhone 6s, iPhone 6s Plus, iPhone 7, iPhone 7 Plus និង iPhone SE ជំនាន់ទីមួយ។ ចំណែកសម្រាប់ iPad វិញមានម៉ូឌែល Air 2 និង iPad mini 4។
ទោះជាអ្នកប្រើប្រាស់មិនអាចទាញយកកម្មវិធីបានទៀតក្តី តែអ្នកប្រើទូរស័ព្ទដៃឬiPad ម៉ូឌែលចាស់ៗទាំងនេះ តែអាចចូលប្រើ YouTube តាមរយៈវេបសាយ m.youtube.com លើ Browse ប៉ុន្តែអ្នកប្រើប្រាស់មិនអាចទទួលបានបទពិសោធន៍នៃការអាប់ឌែតមុខងារថ្មីៗ ដែលមានដូចនៅលើយូធូបធម្មតាឡើយ៕
