នៅថ្ងៃទី១០ កក្កដា ឆ្នាំ២០២៥ - ក្រុមហ៊ុនអ័រគីន កម្ពុជា (ORKIN CAMBODIA) ដែលជាក្រុមហ៊ុនគ្រប់គ្រងសត្វល្អិតចង្រៃឈានមុខគេ និងមានស្តង់ដាខ្ពស់បំផុតមកពីសហរដ្ឋអាមេរិក បានបង្កើតកម្មវិធីសិក្ខាសាលាមួយក្រោមប្រធានបទ “ MASTERING PEST INTELLIGENCE ” នៅសណ្ធាគារ Oakwood Premier Phnom Penh៕
នេះជាការត្រឡប់មកសារជាថ្មីរបស់លោក Dr. Ron Harrison ដើម្បីបណ្តុះបណ្តាលដល់បុគ្គលិក និង អតិថិជនរបស់អ័រគីនជាពិសេស។ លោក Dr. Harrison គឺជាបណ្ឌិតផ្នែកសត្វល្អិតចង្រៃ និងជានាយកគ្រប់គ្រងបច្ចេកទេសនៅអ័រគីន ហើយលោកក៏ជាសាស្ត្រាចារមួយរូបនៅសាកលវិទ្យាល័យម៉ែកសឺ (Mercer) ព្រមទាំងជាគណៈកម្មាធិកាសម្រាប់សមាគមផ្នែកសត្វល្អិតនៃសហរដ្ធអាមេរិក និងរដ្ធ Georgia ក៏ដូចជាសមាគមគ្រប់គ្រងសត្វល្អិតថ្នាក់់ជាតិផងដែរ។
នាឱកាសដ៏វិសេសវិសាលនេះផងដែរ លោក យៀប សុគន្ធថៃ អគ្គនាយកក្រុមហ៊ុន អ័រគីនកម្ពុជា ក៏បានថ្លែងអំពីវឌ្ឃនភាពរបស់ក្រុមហ៊ុនអ័រគីន និងប្តេជ្ញាផ្តល់សេវាកម្មដែលមានគុណភាព ប្រសិទ្ធភាព និងវិជ្ជាជីវៈខ្ពស់ក្នុងការការពារ និងគ្រប់គ្រងបញ្ហាសត្វល្អិតចង្រៃជូនអតិថិជនគ្រប់រូប ក៏ដូចជាអតិថិជនដែលចូលរួមក្នុងកម្មវិធីសិក្ខាសាលាគ្រប់វិស័យ។
គោលបំណងនៃសិក្ខាសាលានេះ ធ្វើឡើងដើម្បីចែករំលែកចំណេះដឹងអំពីការប្រើប្រាស់ទិន្នន័យ និងបច្ចេកវិទ្យាទំនើបថ្មីៗក្នុងការស្វែងយល់ពីប្រភេទនៃសត្វល្អិតចង្រៃ ដើម្បីធ្វើការតាមដាន និងគ្រប់គ្រងបញ្ហាអាចនឹងកើតមាន។ លើសពីនេះទៅទៀត លោក Dr. Ron Harrison បានលើកយកការសិក្សានានាមកពន្យល់ដែលត្រូវបានអនុវត្តយ៉ាងជោគជ័យ និងបញ្ជាក់ពីប្រសិទ្ធភាពចំពោះការគ្រប់គ្រងសត្វល្អិតតាមបែបវិទ្យាសាស្ត្រដោយផ្អែកលើទិន្នន័យមានប្រភពត្រឹមត្រូវ។
អំពី អ័រគីនកម្ពុជា
ក្រុមហ៊ុន អ័រគីនកម្ពុជា (Orkin Cambodia) គឺជាក្រុមហ៊ុនដែលមានទីស្នាក់ការកណ្ដាលក្នុងរាជធានីភ្នំពេញ ដែលផ្ដោតទៅលើការផ្តល់សេវាកម្មគ្រប់គ្រងសត្វល្អិតចង្រៃតាមលំនៅដ្ឋាន ភោជនីយដ្ឋាន និងទីតាំងពាណិជ្ជកម្មទូទាំងខេត្តក្រុង។ ក្រុមហ៊ុនចាប់ផ្ដើមបង្កើតឡើងនៅក្នុងខែតុលា ឆ្នាំ ២០១៦ និងជាក្រុមហ៊ុនដែលបានទទួលសិទ្ធិផ្តាច់មុខពីក្រុមហ៊ុនគ្រប់គ្រងសត្វល្អិតចង្រៃធំបំផុតនៅលើពិភពលោកជាមួយនឹងបទពិសោធន៍ ១២៤ឆ្នាំ មកពីសហរដ្ឋអាមេរិក ដែលមានឈ្មោះថា ORKIN ។
ទំនាក់ទំនង៖ 099 588 788 សម្រាប់ព័ត៌មានលម្អិត និងការត្រួតពិនិត្យបញ្ហាសត្វល្អិតចង្រៃដោយឥតគិតថ្លៃ។
