សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា បានលើកឡើងថានា ពេលខាងមុខ ចក្រភពអង់គ្លេសអាចនឹងមកបើកសាលកវិទ្យាល័យនៅកម្ពុជា។ ប្រសាសន៍លើកឡើងរបស់សម្ដេចតេជោនេះ បានធ្វើឡើងនៅក្នុងឱកាសអញ្ជើញជាអធិបតីក្នុងពិធីប្រគល់សញ្ញាបត្រជូនដល់និស្សិត នៃវិទ្យាស្ថានវ៉ាន់ដា នៅថ្ងៃទី២២ ខែមីនា ឆ្នាំ២០២៣។
ថ្លែងនៅក្នុងពិធីខាងលើសម្ដេចតេជោនាយករដ្ឋមន្ដ្រមានបានប្រសាសន៍ដូច្នេះថា «ខាងមុខនេះ អាចនឹងមានសាកលវិទ្យាល័យពីបរទេសមកបើកទៀតផង ឯកអគ្គរដ្ឋទូតអង់គ្លេស និងគណៈប្រតិភូអង់គ្លេសដែលជួបខ្ញុំតែងនិយាយជាមួ យខ្ញុំ ថាខាងមុខនេះអង់គ្លេសអាចនឹងបើកសាកលវិទ្យាល័យនៅកម្ពុជាដែលនោះក៏ជាឱកាសដែលអ្នកពុំមានលទ្ធភាពបញ្ជូននិស្សិតទៅរៀននៅប្រទេសក្រៅ ហើយដែលឱ្យកូនរៀនភាសាអង់គ្លេសតាំងតូចនោះគឺមានឱកាសចូលមហាវិទ្យាល័យសាកលវិទ្យាល័យក្នុងប្រទេសយើងតែម្ដង»។
ជាមួយគ្នានោះសម្ដេចក៏បានគូសបញ្ជាក់ដែរថា ការសិក្សានៅក្នុងប្រទេស វានឹងមានការចំណាយតិចជាងការសិក្សានៅក្រៅប្រទេស ដែលនេះជាឱកាសដែលបងប្អូនអាចមានលទ្ធភាពរៀននៅសាលាល្អៗបាន៕
អត្ថបទ៖ កឹម ប៊ុនធឿន