អ្នកប្រហែលជាគិតថាសេដ្ឋីៗលំដាប់កំពូលសុទ្ធតែជិះឡើងម៉ាកថ្លៃៗតម្លៃកប់ពពក ប៉ុន្ដែសេដ្ឋីមួយចំនួនធំលើពិភពលោកមិនមែនជិះឡើងថ្លៃដូចជា Rolls-Royce ឬLamborghini នោះទេពោលគឺពួកគាត់ជិះឡានសាមញ្ញៗធម្មតា។ ខាងក្រោមគឺជាប្រេនឡានទាំង១០ដែលសេដ្ឋីភាគច្រើនចូលចិត្តជិះបំផុត។

១. Toyota

២. Honda

៣. Ford

៤. Lexus

៥. Subaru

៦. BMW

៧. Acura

៨. Hyundai

៩. Lincoln

១០. Buick

 នៅក្នុងចំណោមម៉ាកឡានដែលបានរៀបរាប់ខាងលើគេសង្កេតឃើញថាសេដ្ឋី Mark Zuckerberg  ស្ថាបនិករបស់ក្រុមហ៊ុន Meta ជិះឡានម៉ាក Acura TSX  តម្លៃខតែខ្ទង់៣ម៉ឺនដុល្លារប៉ុណ្ណោះ។ ចំណែកលោក Sergey Brin ជាសេដ្ឋីទ្រព្យពាន់លានដុល្លាររបស់អាមេរិកជិះឡាន Toyota Prius តម្លៃខ្ទង់៣០,៩២០ដុល្លារ។

បើយោងតាមការស្រាវជ្រាវជាតិនៃអ្នកមានៗដែលធ្វើឡើងដោយ Ramsey Solutions បានឲ្យដឹងថាសេដ្ឋីភាគច្រើនមិនជិះឡើងទំនើបថ្លៃៗឡើយ។ នៅពេលដែលមនុស្សមិនចំណាយលុយទៅលើសម្ភារនិយមដែលធ្វើឲ្យពួកគាត់មើលទៅដូចអ្នកមាន នោះពួកគាត់នឹងមានលុយសម្រាប់យកទៅវិនិយោគធ្វើឲ្យពួកគាត់ក្លាយជាអ្នកមានពិតប្រាកដ។