ពេលមានគ្រួសារអ្នកណាៗក៏ចង់បានផ្ទះមួយរស់នៅផ្ទាល់ខ្លួនដែរព្រោះផ្ទះគឺជាជម្រកដ៏កក់ក្ដៅសម្រាប់ក្រុមគ្រួសារ។ យ៉ាងណាមិញការទិញផ្ទះគឺជាការចំណាយលុយដ៏ច្រើនបំផុតនៅក្នុងជីវិតរបស់មនុស្ស។ ដូច្នេះមុននឹងសម្រេចចិត្តទិញផ្ទះ អ្នកត្រូវសិក្សាលើរឿងមួយចំនួនជាមុនសិន។

ទាក់ទងនឹងការទិញផ្ទះនេះដែរលោក Dave Ramsey អ្នកជំនាញហិរញ្ញវត្ថុដ៏ល្អម្នាក់របស់សហរដ្ឋអាមេរិកបានណែនាំថាមុននឹងទិញផ្ទះ អ្នកគួរសួរសំណួរទៅកាន់ខ្លួនឯងនៅនូវ៣សំណួរដូចខាងក្រោមនេះ៖

១. តើខ្ញុំអស់បំណុលពីខ្លួនហើយឬនៅ?

២. តើខ្ញុំមានលុយសន្សំបម្រុងទុកពេលមានអាសន្នសម្រាប់ចំណាយក្នុងការរស់នៅពី៣ខែទៅ៦ខែហើយឬនៅ?

៣. តើខ្ញុំមានប្រាក់កក់សម្រាប់ការទិញផ្ទះពី១០%ទៅ២០%នៃតម្លៃផ្ទះហើយឬនៅ?

 លោកDave Ramsey បានលើកឡើងថាបើអ្នកអាចឆ្លើយនូវសំណួរទាំង៣នេះបាននោះមានន័យអ្នកអាចរួចរាល់ក្នុងការទិញផ្ទះដោយសុវត្ថិភាពនិងមិនរងសម្ពាធរឿងលុយកាក់ឡើយពេលទិញផ្ទះបង់រំលស់៕