បើនិយាយពីអាជីវករលក់ដូរតាមដងផ្លូវ មនុស្សភាគច្រើនប្រហែលជាគិតថាមិនសូវរកលុយបានច្រើន ហើយចំណេញតិចទៀត ប៉ុន្តែបើក្រឡែកអីកំឡោះវ័យ២៤ឆ្នាំរូបនេះវិញ លក់ប៊ើហ្គើតាមផ្លូវទេ តែអាចទទួលបានប្រាក់ចំណូលជាមធ្យមពី៤០០ទៅ៧០០ដុល្លារក្នុងមួយថ្ងៃ។
លោកភីម សាក់ មានអាយុ២៤ឆ្នាំជាអតីតនិស្សិតវិស្វករ ធ្លាប់ធ្វើការនៅក្នុងក្រុមហ៊ុនឯកជនមួយកន្លែង ដែលបច្ចុប្បន្នជាម្ចាស់ហាងលក់ប៊ើហ្គើរល្បីខ្លាំងប្រចាំប្រទេសថៃ បានឱ្យដឹងថា មូលហេតុដែលលោកសម្រេចចិត្តលក់ប៊ើហ្គើតាមចិញ្ចើមផ្លូវនេះឡើងដោយសារតែ លោកគិតថា អាហារតាមផ្លូវមានច្រើន ប៉ុន្តែប៊ើហ្គើមានតិចមែនទែន។
លោកបានបន្ថែមទៀតថា អ្វីដែលលោកបានឃើញមួយទៀតនោះគឺគ្រប់គ្នាពេលចង់ញ៉ាំប៊ើហ្គើគឺសម្រេចចិត្តចូលហាង ហើយអ្នកខ្លះមិនមានលុយច្រើន ទោះឃ្លាន ក៏មិនហ៊ានទិញ ដូច្នេះហើយទើបលោកចាប់ផ្តើមមានគំនិតចង់បើកហាងនេះឡើង និងលក់ក្នងតម្លៃថោកៗ ដើម្បីគ្រប់គ្នាអាចហូបបាន។
បន្ទាប់ពីគិតរួចហើយ លោកធ្វើការបណ្តើរសន្សំប្រាក់បណ្តើរ ជាមួយប្រាក់ចូលហ៊ុនជាមួយមិត្តភ័ក្របានតិចតួច លោកក៏លាឈប់ការងារជាវិស្វករ ទៅលក់ប៊ើហ្គើតាមចិញ្ចើមផ្លូវនេះឡើង។ បន្ទាប់មកទៀត មុខរបររបស់លោកចាប់ផ្តើមល្បី ដោយមានការជួយសព្វផ្សាយ និងជ្រំុជ្រែងពីសំណាក់ បងប្អូន មិត្តភ័ក្តជួយផ្សាព្វផ្សាយបន្តគ្នា។
បើកលក់បានចំនួន៨ខែ លោកចាប់ផ្តើមផ្ទុះការគាំទ្រកាន់តែច្រើនខ្លាំង លោកក៏លិទ្ធិភាពក្នុងបើកតូបតូចមួយ ដោយមួយថ្ងៃលោកអាចលក់ដាច់ខ្ទង់២០០ដំុក្នុងមួយថ្ងៃ បើគិចជាប្រាក់ចំណូល អាចរកបានខ្ទង់ ៤០០ដុល្លារក្នុងមួយថ្ងៃ។
គួរជម្រាបផងដែរថា មូលហេតុដែលលោកអាចលក់ក្នុងតម្លៃធូរថ្លៃជាងក្នុងហាងខ្លាំង ហើយនៅតែចំណេញ នោះគឺដោយសារតែ លោកមិនមានចំណាយលុយជួលហាង និងទីតាំងដែលមានតម្លៃថ្លៃៗ មិនអស់ថ្លៃចំណាយ ទៅលើបុគ្គលិក និងពន្ធថែមទៀត លើសពីនេះធម្មតាហាងប៊ើហ្គើមិនមែនជាហាងដែលមនុស្សចំណាយពេលអង្គុយយូរនោះទេ ដូច្នេះហើយអាហារខ្ចប់ជាគំនិតដ៏ល្អបំផុត។ មូលហេតុទាំងនេះហើយ ទើបធ្វើឱ្យតូបរបស់លោកអាចទាញភ្ញៀវពេញរាល់ថ្ងៃ។
