ត្រឹមរយៈពេល១២ថ្ងៃទៀតប៉ុណ្ណោះ ពិធីបុណ្យចូលឆ្នាំថ្មីប្រពៃណីជាតិខែ្មរ នឹងចូលមកដល់។ នាឱកាសចូលឆ្នាំថ្មីក្រៅពីការជួបជុំក្រុមគ្រួសារ ការដើរកម្សាន្តនៅកម្មវិធីសង្ក្រាន្ត តាមតំបន់របស់ខ្លួន ក៏ជាទំនៀមទម្លាប់មួយរបស់ពលរដ្ឋផងដែរ។

យ៉ាងណាមិញតាមរយៈក្រសួងទេសចរណ៍បានបង្ហាញថា ព្រឹត្តិការណ៍សង្រ្កាន្ត ឆ្នាំថ្មីនឹងធ្វើឡើងតាមខេត្តក្រុមទាំង១២ ដែលរដ្ឋបាលតំបន់នីមួយៗធ្វើឡើងតាមថ្ងៃផ្សេងៗគ្នា ចន្លោះថ្ងៃបុណ្យចូលឆ្នាំរយៈពេល៣ថ្ងៃ ខណៈខេត្តខ្លះប្រារព្ធដល់៥ថ្ងៃ។

១. ថ្ងៃទី១៤-១៦ ខែមេសា នឹងមានព្រឹត្តិការណ៍អង្គរសង្ក្រាន្ត នៅខេត្តសៀមរាប។

២, ថ្ងៃទី១៤-១៦ ខែមេសា នឹងមានព្រឹត្តិការណ៍សង្ក្រាន្តវត្តភ្នំ នៅរាជធានីភ្នំពេញ។

៣. ថ្ងៃទី១៤-១៦ ខែមេសា នឹងមានព្រឹត្តិការណ៍សង្ក្រាន្តកំពង់ចាម នៅខេត្តកំពង់ចាម។

៤. ថ្ងៃទី១៤-១៦ ខែមេសា នឹងមានព្រឹត្តិការណ៍សង្ក្រាន្តតាកែវ នៅខេត្តតាកែវ។

៥. ថ្ងៃទី១៤-១៦ ខែមេសា នឹងមានព្រឹត្តិការណ៍កំពតសង្ក្រាន្ត នៅខេត្តកំពត។

៦. ថ្ងៃទី១៤-១៦ ខែមេសា នឹងមានព្រឹត្តិការណ៍សង្ក្រាន្តកោះកុង នៅខេត្តកោះកុង។  

៧. ថ្ងៃទី១៣-១៧ ខែមេសា នឹងមានព្រឹត្តិការណ៍សង្ក្រាន្តបន្ទាយមានជ័យ នៅខេត្តបន្ទាយមានជ័យ។  

៨. ថ្ងៃទី១៤-១៦ ខែមេសា នឹងមានព្រឹត្តិការណ៍សង្ក្រាន្តបាត់ដំបង នៅខេត្តបាត់ដំបង។

៩. ថ្ងៃទី១៤-១៦ ខែមេសា នឹងមានព្រឹត្តិការណ៍ស្ទឹងត្រែងសង្ក្រាន្ត នៅខេត្តស្ទឹងត្រែង។

១០. ថ្ងៃទី១៤-១៦ ខែមេសា នឹងមានព្រឹត្តិការណ៍សង្ក្រាន្តកំពង់ធំ នៅខេត្តកំពង់ធំ។

១១. ថ្ងៃទី១៤-១៦ ខែមេសា នឹងមានព្រឹត្តិការណ៍សង្ក្រាន្តសែនមនោរម្យ នៅខេត្តមណ្ឌលគិរី។

១២. ថ្ងៃទី១៤-១៦ ខែមេសា នឹងមានព្រឹត្តិការណ៍សង្ក្រាន្តរតនគិរី នៅខេត្តរតនគិរី។

សូមបញ្ជាក់ថានៅមានខេត្តមួយចំនួនទៀតដែលក្រសួងទេសចរណ៍ពុំទាន់បានផ្សព្វផ្សាយ ក្រសួងទេសចរណ៍នឹងបន្តរៀបចំផ្សព្វផ្សាយអំពីព្រឹត្តិការណ៍សង្ក្រាន្តនៅតាមបណ្តាខេត្តដែលនៅសេសសល់ជាបន្តបន្ទាប់៕

ប្រភពរូបភាព៖ ក្រសួងទេសចរណ៍ និង ទូរទស្សន៍ជាតិកម្ពុជា

អត្ថបទដោយ៖ ពីង ជូអេង