សម្រាប់អ្នកវិនិយោគអចលនទ្រព្យប្រាកដជាស្វែងរកភ្នាក់ងារអចលទ្រព្យដើម្បី សម្រាលការងាររបស់ខ្លួន យ៉ាងនៅពេលលោកអ្នកមានបំណងលក់ផ្ទះលោកអ្នកនឹងនឹកឃើញ ដល់ភ្នាក់ងារជំនាញដែលមានបទពិសោធន៍។ តែទោះជាយ៉ាងណា ករណីជួលភ្នាក់ងារ អចលនទ្រព្យក៏មានគុណសម្បត្តិនិងគុណវិបត្តិរៀងៗខ្លួនផងដែរ។

យោងតាមការដកស្រង់ចេញពីគេហទំព័រ XPEPRT SOURCE  បានបង្ហាញបីចំណុចវិជ្ជមាននិងអវិជ្ជមាន មួយចំនួននៅពេលអ្នកប្រើប្រាស់ភ្នាក់ងារអចលនទ្រព្យដែលលោកអ្នកគួរយល់ដឹង៖

១.គុណសម្បត្តិរបស់ភ្នាក់ងារអចលនទ្រព្យ

ការលក់អចលនទ្រព្យគឺ ជារឿងដែលអូសបន្លាយគួរសម វាទាមទារពេលវេលាច្រើនរួមទាំងការស្វែងរកអតិថិជន ដើម្បីកំណត់តម្លៃ ហើយត្រូវរង់ចាំទទួលភ្ញៀវមកមើលផ្ទះ ដែលទាំងនេះវាទាមទារមានភាពអំណត់និងពេលវេលាច្រើន។ តែប្រសិនបើយើងមានភ្នាក់ងារជាអ្នកធ្វើកិច្ចការទាំងនេះយើងពិតជាមានភាពងាយស្រួលក្នុងការធ្វើការប្រចាំថ្ងៃបានយ៉ាងរលូន។

• មានជំនាញច្បាស់លាស់

ជាទូទៅបុគ្គលិកនៃក្រុមហ៊ុនអចលនទ្រព្យដែលលោកអ្នកបានជ្រើសរើស សុទ្ធសឹងតែមានជំនាញនិងបទពិសោធន៍ក្នុងការចរចារលក់ និងសេវាកម្មផ្សេងៗជាមួយអតិថិជន។  ហើយថែមទាំងមានខ្សែរយៈបណ្ដាញពួកគេអាចស្វែងរកអ្នកទិញមកឱ្យលោកអ្នកបានផងដែរ។

• ការយល់ច្បាស់អំពីម្លៃរបស់អចលនទ្រព្យ​

ពេលខ្លះយើងដាក់លក់ផ្ទះឬជួលក្នុងតម្លៃមួយដែលខ្ពស់ខ្លាំងពេកលើសតម្លៃទីផ្សារ ក៏ពិបាកក្នុងការលក់ចេញដែរ។ ដូច្នេះហើយក្នុងនាមជាភ្នាក់ងារអចលនទ្រព្យពួកគេមានជំនាញក្នុងការលក់ ដោយដាក់តម្លៃស្របទៅតាមទីផ្សារបច្ចុប្បន្ន​។

២.គុណវិបត្តិរបស់ភ្នាក់ងារអចលនទ្រព្យ

• កម្រៃជើងសារ

ជាធម្មតាប្រសិនបើលោកអ្នកជួលភ្នាក់ងារអចលនទ្រព្យសម្រាប់ជួយលក់ឬជួល គឺត្រូវផ្តល់ប្រាក់កម្រៃជើងសារទៅឲ្យពួកគេ។ ដោយឡែកប្រសិនបើយើងមិនជួលភ្នាក់ងារអចលនទ្រព្យនោះទេ យើងនឹងមិនត្រូវបានចំណាយលុយទៅលើកម្រៃជើងសារនោះទេ។ នៅពេលដែលមិនជួលភ្នាក់ងារអចលនទ្រព្យគឺសម្រាប់តែអ្នកមានពេលវេលាច្រើន ហើយមានជំនាញ និងចំណេះដឹងខាងទីផ្សារអចលនទ្រព្យតែប៉ុណ្ណោះ។

• ចរចាតម្លៃជាមួយអ្នកទិញផ្ទាល់

សម្រាប់តម្លៃគឺយើងអាចចរចារបានដោយខ្លួនឯងអាចកំណត់បានក្នុងតម្លៃមួយយើងពេញចិត្ត​។ ហើយចំណែកឯលិខិតផ្លូវច្បាប់នានាយើងក៏ត្រូវរត់ដោយខ្លួនឯងផងដែរ ហើយសម្រួលតម្លៃទៅតាមនឹងផងដែរ។ សរុបជារួមអ្នកត្រូវប្រាកដថាអ្នកមានជំនាញទាំងនេះមុនពេលចាប់ផ្តើមដំណើរការក្នុងការលក់ដូរ៕

អត្ថបទដោយ៖ ឌឿក ស្រី នុត