លោកស្រី ជេត សុមេត្ដា បច្ចុប្បន្នគឺជាអគ្គនាយករងរបស់ PhnomPenh PlasticProduct ដោយនាពេលបច្ចុប្បន្ននេះរោងចក្ររបស់លោកស្រីបានហ្នឹងកំពុងតែផលិតទុយោជាច្រើនប្រភេទ ជាពិសេសនោះគឺទុយោដែលអាចប្រើប្រាស់ក្នុងវិស័យកសិកម្មផងដែរ។ ហើយអ្វីដែលកាន់តែអស្ចារ្យទៀតនោះ ទុយោរបស់កូនខ្មែររូបនេះគឺមានគុណភាពមិនចាញ់របស់នាំចូលឡើយ សូម្បីតែជប៉ុនក៏ទទួលស្គាល់ពីស្តង់ដារទុយោមួយនេះផងដែរ។

នៅក្នុងបទសម្ភាសន៍ជាមួយក្រុមការងារចាបក្រហម លោកស្រី ជេត សុមេត្ដា បានបង្ហើបឱ្យដឹងដែលថា ចំពោះរោងចក្រ PhnomPenh PlasticProduct នាពេលនេះគឺផ្តោតខ្លាំងជាងគេទៅលើការផលិតប្រភេទទុយោHDPE ដែលទុយោនេះដែរគឺយើងអាចប្រើប្រាស់ក្នុងវិស័យជាច្រើនដោយមានដូចជា៖ ប្រព័ន្ធវិស័យទឹកស្អាយ វិស័យសំណង់ វិស័យកសិកម្ម ហើយលទ្ធផលចុងក្រោយដែលរោងចក្រលោកស្រីផលិតបាននោះគឺទុយោលូជ័រ។

លោកស្រីសុមេត្តា បាននិយាយបន្តទៀតថា ចំពោះការបើករោងចក្រផលិតផលខ្លួននេះគឺមិនងាយស្រួលនោះឡើយ ប៉ុន្តែព្រោះតែលោកស្រីមានឆន្ទះខ្ពស់និងចង់ឱ្យផលិតផលរបស់ខ្មែរកាន់តែឱ្យបរទេសស្គាល់ច្បាស់ពីគុណភាពគឺលោកស្រីនៅតែស៊ូទៅមុខទោះបីជួបនៅបញ្ហាយ៉ាងណាក៏ដោយ។ ហើយបើនិយាយអំពីបច្ចេកទេសនៃការផលិតទុយោនេះវិញ គឺមានស្តង់ដារខ្ពស់ណាស់ព្រោះជារឿយៗលោកស្រីតែងតែបញ្ជូនបុគ្គលិកឱ្យទៅសិក្សាជំនាញនៅក្រៅប្រទេសដើម្បីឱ្យអ្នកផលិតកាន់តែច្បាស់នៅជំនាញផលិតទុយោមួយនេះ។

ចំពោះទុយោដែលផលិតចេញពីរោងចក្រខ្មែរ១០០% នេះដែរ គឺលោកស្រីសុមេត្តា ក៏បានពន្យល់ដែលថា ចំពោះផលិតផលលោកស្រីគឺធានាថាស្អាតជាង ធន់ជាង ហើយមានគុណភាពល្អជាង មិនចាញ់របស់នាំចូលទេ។ ព្រោះបងប្អូនប្រាកដជាដឹងថា ភាគច្រើនជប៉ុនគឺចូលចិត្តប្រើប្រាស់របស់ណាដែលមានគុណភាពល្អ ហើយទុយោចេញពីរោងចក្ររបស់លោកស្រីគឺមានស្តង់ដារខ្ពស់ ប្រើទៅធនល្អ ទើបអាចទាក់ទាញជប៉ុនឱ្យមកទិញបានហើយនេះគឺជារឿងដ៏មោទកភាពខ្លាំងមែនទែនដែលយើងអាចធ្វើឱ្យជនជាតិបរទេសស្គាល់អំពីស្នាដៃរបស់កូនខ្មែរ។

ដូច្នេះហើយសម្រាប់បងប្អូនប្រជាជនខ្មែរទាំងអស់ដែលចង់ទិញទុយោទៅប្រើប្រាស់ក្នុងវិស័យផ្សេងៗមិនបាច់ទិញរបស់នាំចូលទៀតទេ បងប្អូនអាចទិញពីរោងចក្រខ្មែរ PhnomPenh PlasticProduct មួយនេះបានព្រោះមានគុណភាពល្អ គ្មានជាតិគីមី ប្រើប៉ុន្មានឆ្នាំក៏មិនងាយជ្រេះឬកាន់ស្លែដែរ។ បងប្អូនដែលមានបំណងចង់សាកសួរព័ត៍មានបន្ថែមអាចធ្វើការទំនាក់ទំនងសាកសួរតាមរយៈ Page: @PhnomPenh PlasticProduct ឬលេខទូរស័ព្ទ: 086 23 7777 / 010 41 42 43 (𝐒𝐦𝐚𝐫𝐭) 089 999 718 / 089 999 723 (𝐂𝐞𝐥𝐥𝐜𝐚𝐫𝐝)៕