ក្នុងយុគសម័យបច្ចេកវិទ្យាដ៏ជឿនលឿននេះ ការផលិតវីដេអូរកលុយនៅលើ YouTube គឺជាវិធីសាស្រ្ដរកចំណូលដ៏ពេញនិយមបំផុតមួយនៅក្នុងប្រទេសកម្ពុជា​ ខណៈមានអ្នកខ្លះអាចរកចំណូលបានដល់ខ្ទង់ពាន់ ខ្ទង់ម៉ឺនដុល្លារក្នុងមួយខែក៏មានដែរ។ តើធ្វើយ៉ាងណាទើបអាចរកប្រាក់បានពី Platform ​មួយនេះ? ហើយក្នុង 1K VIEWS អ្នកផលិតវីដេអូអាចទាញចំណូលបានប៉ុន្មាន?

យោងតាម​ គណនីយូធូប របស់លោក CHHON VEASNA ដែលត្រូវបានគេស្គាល់ថាជាអ្នកចែករំលែកចំណេះដឹង YouTube &Facebook និងរបៀបរកលុយតាមអ៊ីនធើណែតបានឱ្យដឹងថា កាលពីពេលថ្មីនេះ វីឌេអូរបស់លោកអាចទាញចំណូលបាន ៥៦,០៨ដុល្លារ ពីចំនួនអ្នកមើលនៅខ្មែរ ចំនួន ១៥៦,៦៤៨ខេ​ VIEWS ដូច្នេះបើគិតត្រឹម១ខេ VIEWS YouTube​ ឱ្យលុយអ្នកកាន់ផេកចំនួន ០,៣៥ ដុល្លារ។ លោកបានបន្ថែមទៀតថា បើប្រៀបធៀបអ្នកមើលររស់នៅអាមេរិកវិញ ត្រឹម៨ខេអាចទាញចំណូលបានរហូតដល់ទៅ ៤៧ដុល្លារ ពោលអ្នកមើលនៅសហរដ្ឋអាមេរិកអាចរកលុយបានលើសអ្នកមើលនៅខ្មែររហូតដល់ទៅ២០ដង។

ទន្ទឹមនឹងនេះដែរដើម្បីអាចរកលុយពី YouTube បានប្រិយមិត្តត្រូវតែបំពេញតាមលក្ខខណ្ឌចំនួន៤ខាងក្រោមនេះ។ ដោយក្នុងនោះរួមមាន៖

១. គោរពតាម ឬមិនធ្វើសកម្មភាពទាំងឡាយណាដែលប្រឆាំងទៅនឹងគោលការណ៍រកប្រាក់របស់ YouTube (YouTube Channel Monetization Policies)

២. មាន Subcribers ចាប់ពី ១០០០ ឡើងទៅ

៣. វីដេអូមានអ្នកទស្សនា ចាប់ពី៤ពាន់ម៉ោងឡើងទៅ

៤. ស្ថិតនៅក្នុងប្រទេសដែលអាចរកលុយជាមួយ YouTube បាន

គួរជម្រាបផងដែរ ដើម្បីអាចយកលុយពីហ្វេសប៊ុកបាន លុះត្រាតែ YouTuber ទាំងអស់គោរពតាមគោលការណ៍របស់ YouTube ដែលគ្របដណ្តប់លើប្រធានបទដូចជា ការរក្សាសិទ្ធិ ពាណិជ្ជសញ្ញា និងសិទ្ធិកម្មសិទ្ធិបញ្ញាជាដើម។