ជាដំណឹងដ៏រំភើបមួយ ខណៈក្រុងសៀមរាប ដែលជារាជធានីអង្គរ នៃព្រះរាជាណាចក្រកម្ពុជា ត្រូវបានជាប់ចំណាត់ថ្នាក់លេខ៣ នៅលើពិភពលោក ជាគោលដៅទេសចរណ៍ដែលមានប្រជាប្រិយបំផុតរបស់អ្នកដំណើរអង់គ្លេស សម្រាប់ឆ្នាំ២០២៥។ នេះបើតាមការដកស្រង់គេហទំព័រ Skyscanner កាលពីពេលថ្មីៗនេះ។
ប្រភពដដែលបានបន្ដទៀតថា សម្រាប់ចំណាត់ថ្នាក់លេខ១ បានទៅលើទីក្រុង Reggio Calabria នៃប្រទេសអ៉ីតាលី និងចំណាត់ថ្នាក់លេខ២ បានទៅលើទីក្រុង Tartu នៃប្រទេសអេស្តូនី។
ដោយឡែកក្នុងចំណោមទីក្រុងជាប់ចំណាត់ថ្នាក់ល្អបំផុតទាំង១០នេះ ក៏មានទីក្រុង Panglao នៃសាធារណរដ្ឋហ្វីលីពីន ដែលជាប្រទេសមួយក្នុងតំបន់អាស៊ីអាគ្នេយ៍ ដែលជាប់ចំណាត់ថ្នាក់លេខ៧ ហើយទីក្រុង Stuttgart នៃសហព័ន្ធអាល្លឺម៉ង់ជាប់ចំណាត់ថ្នាក់លេខ៩ និងទីក្រុង Thiuvananthapuram នៃសាធារណរដ្ឋឥណ្ឌា ជាប់លេខ១០៕