កាលពីថ្ងៃទី២៤ ខែកុម្ភ: ឆ្នាំ២០២៣ ខាងក្រុមហ៊ុន MG Cambodia បានធ្វើការប្រារព្ធពិធីបើកសម្ពោធរថយន្តម៉ូដែលថ្មីម៉ាក MG RX5 Reborn ស៊េរីឆ្នាំ២០២៣ និង MG Marvel R ជាផ្លូវការនៅសណ្ឋានគារ Sofitel Phnom Penh Phokeethra ។ ព្រមទាំងមានការចូលរួមពីសំណាក់ភ្ញៀវកិត្តិយសចម្រុះជាតិសាសន៍ និងតារាចម្រៀងល្បីៗ ដើម្បីអបអរសាទរស្វាគមន៍នូវការមកដល់រថយន្តម៉ូដែលថ្មីទាំង ២ ។
នៅក្នុងកម្មវិធីបើកសម្ពោធរថយន្តម៉ូដែលថ្មីនេះដែរ មានការឡើងថ្លែងសន្ទរកថាពី លោក អ៊ុំ គីម ក្នុងការស្វាគមន៍នូវរថយន្តម៉ាកថ្មីទាំង ២ម៉ូដែល MG RX5 Reborn និង MG Marvel R ព្រមទាំងមានការធ្វើបទបង្ហាញពី MG RX5 Reborn ដោយលោក ធុល រដ្ឌា ដែលពន្យល់អំពីលក្ខណ:ពិសេសជាច្រើន រួមទាំងមានប្រព័ន្ធសុវត្ថិភាពកម្រិតខ្ពស់ជំនួយដល់ការបើកបរផងដែរ ។
មិនត្រឹមតែប៉ុណ្ណោះ គេក៏មានការធ្វើបទបង្ហាញអំពីលក្ខណ:ពិសេសៗ របស់រថយន្តអគ្គិសនី MG Marvel R ដោយ បូ រីរ: យ៉ាងក្បោះក្បាយ ច្បាស់ៗ អំពីបច្ចេកវិទ្យាទំនើបៗ និងបង្ហាញអារម្មណ៍ផ្ទាល់នៅពេលរថយន្តអគ្គិសនីនេះបានមកដល់កម្ពុជា ។
ដើម្បីជាការរំសាយអារម្មណ៍ និងញ៉ាំងកម្មវិធីមួយនេះ ឲ្យកាន់មានសប្បាយរីករាយមួយកម្រិតទៀតនោះ គឺគេមានការប្រគុំតន្ត្រីយ៉ាងពិរោះរណ្តំ ច្រៀងដោយ លោក ម៉ម ពេជ្ររិទ្ធ ដែលជាតារាចម្រៀងល្បីក្នុងព្រះរាជាណាចក្រកម្ពុជាហើយក៏ជាអតិថិជន MG ផងដែរ។
ជាកិច្ចបញ្ចប់កម្មវិធី ក៏មានការចាប់ឆ្នោតផ្សងសំណាងសម្រាប់អ្នកកក់ទិញរថយន្ត MG RX5 Reborn និងភ្ញៀវកិត្តិយសដែលបានចូលរួមកម្មវិធីនារាត្រីដ៏អស្ចារ្យនេះផងដែរ ហើយរង្វាន់មានច្រើនដូចជា Iphone 14 Pro Max, LG HDTV 50”, JBL Headphone និងរង្វាន់ជាច្រើនមុខទៀត។
គួរជម្រាបផងដែរថា កម្មវិធីបើកសម្ពោធរថយន្តម៉ាកថ្មី MG RX5 Reborn ដែលជារថយន្តប្រើសាំងហើយក៏ជាម៉ូដែលថ្មីដែលលក់ដាច់ខ្លាំង និង MG Marvel R ជារថយន្តអគ្គិសនីដំបូងគេរបស់ MG ដែលបាននាំចូលមកទីផ្សារប្រទេសកម្ពុជាក្នុងគោលបំណងនៃការធ្វើកម្មវិធីនេះឡើងមក ដើម្បីបង្ហាញនូវការស្វាគមន៍ក៏ដូចជាការបង្ហាញនូវរថយន្តម៉ូដែលថ្មីទាំង ២ និងភ្ជាប់ទំនាក់ទំនងយ៉ាងស្និតស្នាលជាមួយអតិថិជនរបស់ MG ផ្ទាល់ ។
