From top to right H.E. Dr. Thun Vathana ,H.E. Mom Bunneang,Mr.Wittaya Kreangkriwit ,and the discussion between H.E
ពីឆ្វេងទៅស្តាំ ឯកឧត្តមបណ្ឌិត ធន់ វឌ្ឍនា, ឯកឧត្តម ម៉ម ប៊ុននាង និងកិច្ចពិភាក្សារវាងឯកឧត្តម
ថ្ងៃទី ១៧ ខែឧសភា ឆ្នាំ ២០២៥ – ឯកឧត្តមបណ្ឌិត ធន់ វឌ្ឍនា អនុប្រធានទី២នៃព្រឹទ្ធសភា បានដឹកនាំគណៈប្រតិភូព្រឹទ្ធសភា ចូលទស្សនកិច្ចនៅរោងចក្រផលិតចំណីសត្វរបស់ក្រុមហ៊ុន ស៊ី.ភី. ខេមបូឌា ចំកាត់ ដែលមានទីតាំងស្ថិតនៅភូមិខ្ពបរុន ឃុំស្រែចែង ស្រុកជុំគិរី ខេត្តកំពត។ កិច្ចទស្សនកិច្ចដ៏មានសារៈសំខាន់នេះ មានគោលបំណងជំរុញការយល់ដឹងរបស់សមាជិកព្រឹទ្ធសភា និងសាធារណជនអំពីបច្ចេកវិទ្យានិងដំណើរការផលិតនៃវិស័យកសិឧស្សាហកម្ម និងចំណីអាហារ។
រូបភាពរួមគ្នារវាងគណៈប្រតិភូនិងលោកអគ្គនាយកព្រមទាំងថ្នាក់ដឹកនាំស៊ីភី
English: Pictures between the delegation and General Director as well as C.P's leaders
ដំណើរទស្សនកិច្ចនេះ ក៏មានការអញ្ជើញចូលរួមពីឯកឧត្តម ម៉ម ប៊ុននាង ប្រធានគណៈកម្មការទី១០ នៃព្រឹទ្ធសភា និងឯកឧត្តមបណ្ឌិត សេង សុភាព ប្រធានក្រុមប្រឹក្សាភិបាលសាកលវិទ្យាធិការនៃកម្ពុជា និងប្រធានបណ្ឌិតសភាបច្ចេកវិទ្យាឌីជីថលកម្ពុជា ព្រមទាំងតំណាងសាកលវិទ្យាល័យជាតិជាច្រើន មន្រ្តីអគ្គលេខាធិការដ្ឋានព្រឹទ្ធសភា សាស្រ្ដាចារ្យ និងនិស្សិតជាង ១០ សាកលវិទ្យាល័យ។
រូបភាពរួមគ្នារវាងគណៈប្រតិភូនិងលោកអគ្គនាយកព្រមទាំងថ្នាក់ដឹកនាំស៊ី.ភី.នៅមុខរោងចក្រចំណីសត្វ
English: Pictures between the delegation and General Director as well as C.P's leaders in front of feed mill
ការទស្សនកិច្ចក្រុមហ៊ុន និងរោងចក្រផលិតចំណីសត្វ ដើម្បីស្វែងយល់អំពីដំណើរការនៃការផលិតចំណីសត្វ(Feed) ការចិញ្ចឹមសត្វ(Farm) ការកែច្នៃអាហារ(Food) រហូតដល់ការផ្គត់ផ្គង់ទៅលើទីផ្សារ(Retail)។
ក្រុមប្រតិភូបានទទួលការស្វាគមន៍យ៉ាងកក់ក្តៅពីគណៈដឹកនាំក្រុមហ៊ុន ដឹកនាំដោយលោក Wittaya Kreangkriwit អគ្គនាយកនៃក្រុមហ៊ុន ស៊ី.ភី. ខេមបូឌា ចំកាត់កាត់ និងថ្នាក់ដឹកនាំជាន់ខ្ពស់ជាច្រើន។
ដំណើរទស្សនកិច្ចនេះមានការបែងចេកជាពីរវគ្គព្រឹក - រសៀល
អង្គប្រជុំសំរាប់ពេលព្រឹកខាងក្រុមហ៊ុន ស៊ី.ភី. ខេមបូឌា ចំកាត់ បានធ្វើបទបង្ហាញអំពីពត៌មានទូទៅនៃធុរកិច្ចរបស់ក្រុមហ៊ុន បទបង្ហាញអំពីការដាំដុះដំណាំពោតនិងដំឡូងមី បទបង្ហាញអំពីការចិញ្ចឹមមាន់ពងនិងការភ្ញាស់កូនមាន់ បទបង្ហាញអំពីការចិញ្ចឹមមាន់សាច់ បទបង្ហាញអំពីការចិញ្ចឹមសត្វជ្រូក និងបទបង្ហាញអំពីជម្ងឺរបស់សត្វនិងការការពាររោគ។
គោលនយោបាយនិងទស្សនៈវិស័យរបស់ក្រុមហ៊ុនក្នុងការជំរុញវិស័យកសិកម្ម និងការផលិតចំណីសត្វនៅកម្ពុជា
១. ការជម្រុញឲ្យកសិករ ដាំដំណាំពោត ដំឡូងមី និងវត្ថុធាតុដើមក្នុងស្រុក
វិស័យកសិកម្មជាគន្លងសំខាន់នៃសេដ្ឋកិច្ចជាតិ កសិកម្មនៅកម្ពុជា ត្រូវបានចាត់ទុកថាជាប្រព័ន្ធគ្រប់គ្រងសេដ្ឋកិច្ចមូលដ្ឋានសំខាន់ យើងសង្កេតឃើញថា ការផលិតផលចំណីសត្វក្នុងស្រុកមានតម្រូវការវត្ថុធាតុដើមកាន់តែខ្ពស់ជាបន្តបន្ទាប់ ដើម្បីឆ្លើយតបទៅនឹងការរីកចម្រើនរបស់វិស័យចិញ្ចឹមសត្វ។ ទោះជាយ៉ាងណា ស្ថានភាពក្នុងការផ្គត់ផ្គង់វត្ថុធាតុដើមនៅក្នុងស្រុក នៅតែមានកម្រិត និងមិនគ្រប់គ្រាន់តាមតម្រូវការជាក់ស្តែងនាពេលបច្ចុប្បន្ននេះ។
ដើម្បីឆ្លើយតបនឹងបញ្ហាខាងលើក្រុមហ៊ុនស៊ីភី បានចូលរួមសហការជាមួយវិស័យសាធារណៈ ដោយបង្កើតយុទ្ធសាស្រ្តជំរុញ និងគាំទ្រកសិករ ក្នុងការដាំដំណាំពោត ដំឡូងមី និងវត្ថុធាតុដើមផ្សេងៗបន្ថែម លើសពីនោះក្រុមហ៊ុននិងទទួលទិញវត្ថុធាតុដើមទាំងនេះដោយផ្អែកលើតម្លៃទីផ្សារដែលសមរម្យ ។
២. ការជម្រុញឲ្យកសិករចិញ្ចឹមសត្វនិងផ្តល់ចំណេះដឹងពីសុវត្ថិភាពសត្វ
បច្ចុប្បន្ននេះ ជំងឺរាតត្បាតបានកើតមានជាបន្តបន្ទាប់ ជាពិសេសដូចជា ជំងឺផ្តាសាយជ្រូកអាហ្វ្រិក (ASF) និងជំងឺផ្តាសាយបក្សី (AI)។ ដោយឡែក ក្នុងគោលបំណងជួយកាត់បន្ថយហានិភ័យនៃការបាត់បង់ ដោយសារជំងឺរាតត្បាត និងបង្កើនប្រសិទ្ធភាពក្នុងការចិញ្ចឹមសត្វ ក្រុមហ៊ុនបានស្នើសុំឱ្យវិស័យសាធារណៈ និងស្ថាប័នពាក់ព័ន្ធពង្រឹងការផ្តល់ចំណេះដឹងចំពោះកសិករ អំពីវិធីសាស្ត្រចិញ្ចឹមសត្វ ការការពារ និងការគ្រប់គ្រងជំងឺ រួមទាំងអនាម័យជាប្រចាំ។ ជាពិសេស ការសម្រួលលើវិធានការទាំងនេះនឹងជួយទប់ស្កាត់ការនាំចូលផលិតផលសត្វ ដែលគ្មានប្រភពច្បាស់លាស់ និងអាចបង្កគ្រោះថ្នាក់ដល់សុខភាពសត្វក្នុងស្រុក។
៣. ការផ្តល់នូវអាហារសុវត្ថិភាពនិងអនាម័យ
បច្ចុប្បន្ននេះ អ្នកប្រើប្រាស់ជាច្រើនទិញអាហារពីទីផ្សារដែលមិនមានការធានាជាក់លាក់អំពីប្រភពដើមធ្វើឲ្យមានហានិភ័យចំពោះសុខភាពសាធារណៈ។ ដូច្នេះ ក្រុមហ៊ុនស៊ី.ភីប្តេជ្ញាផ្តល់នូវផលិតផលអាហារប្រកបដោយគុណភាព អនាម័យសុវត្ថិភាព និងអាហារូបត្ថម្ភខ្ពស់ដល់ប្រជាជនកម្ពុជា អ្នកបរិភោគទាំងអស់អាចជឿជាក់លើផលិតផលស៊ី.ភី.បាន។គ្រប់ផលិតផលចំណីអាហារទាំងអស់របស់ស៊ី.ភី.យើងទទួលបានស្តង់ដារអន្តរជាតិដែលមានការត្រួតពិនិត្យត្រឹមត្រូវ ដូចជាស្តង់ដារអន្តរជាតិ GHP HACCP និង HALAL លោកអ្នកអាចបរិភោគដោយភាពជឿជាក់”អាហារសុវត្ថិភាព ជឿជាក់លើស៊ី.ភី.”។
លោក Wittaya Kreangkriwit អគ្គនាយកក្រុមហ៊ុនស៊ី.ភី.បានមានប្រសាសន៏ថាក្រុមហ៊ុនស៊ីភី ខេមបូឌា បានបានដំណើរការនៅកម្ពុជាជាប្រមាណ ២៩ឆ្នាំរួចមកហើយក្រុមហ៊ុនក៏បានផ្តល់ចំណេះដឹងនិងបច្ចេកទេសដល់កសិករអំពីការលើកកម្ពស់ស្តង់ដារផលិតកម្ម បច្ចេកទេសការចិញ្ចឹមសត្វ និងប្រមូលទិញវត្ថុធាតុដើមរបស់កសិករក្នុងស្រុក ដូចជា ពោតក្រហម ដំឡូងមី កន្ទក់ កញ្ចុងអង្ករ ស្រូវ និងវត្ថុធាតុដើមផ្សេងទៀត រហូតមកដល់សព្វថ្ងៃនេះជាង ១០០០ គ្រួសារ។ក្រុមហ៊ុនបាននាំយកបច្ចេកវិទ្យាដែលមានស្តង់ដារពិភពលោកមកអនុវត្តក្នុងអាជីវកម្ម និងរួមចំណែកជួយអភិវឌ្ឍន៍ប្រទេសកម្ពុជា។ លើសពីនេះក្រុមហ៊ុន បានបង្កើតឱកាសការងារជាច្រើនព្រមទាំងដើរតួនាទីដ៏មានសារសំខាន់ក្នុងការលើកកម្ពស់សុវត្ថិភាពស្បៀងអាហារនៅក្នុងប្រទេសផងដែរ។ ក្រុមហ៊ុនបានខិតខំបំពេញបេសកកម្មក្នុងការជម្រុញឲ្យប្រជាជនកម្ពុជាប្រើប្រាស់អាហារដែលមានសុវត្ថិភាព និងមានសុខភាពល្អ ដើម្បីចង់ឃើញប្រជាជនកម្ពុជាមានសុខភាពល្អ និងគុណភាពជីវិត។
ឯកឧត្តមបណ្ឌិត ធន់ វឌ្ឍនាអនុប្រធានទី២នៃព្រឹទ្ធសភាបានបានជួបពិភាក្សាសន្ទនាជាមួយ ឯកឧត្តម ម៉ម ប៊ុននាង ឯកឧត្តមបណ្ឌិត សេង សុភាព និងតំណាងក្រុមហ៊ុនស៊ី.ភី. អំពី បច្ចេកវិទ្យាចិញ្ចឹមសត្វ និងការផ្សារភ្ជាប់រវាងវិស័យឯកជន និង គ្រឹះស្ថានឧត្តមសិក្សា ដើម្បីឆ្ពោះទៅកាន់ការចុះអនុស្សរណៈយោគយល់ជាមួយឧត្តមសិក្សាមួយចំនួននាពេលអនាគត។
ឯកឧត្តមបណ្ឌិត ធន់ វឌ្ឍនា អនុប្រធានទី២នៃព្រឹទ្ធសភាបានមានប្រសាសន៏ដោយសង្ខេបថាដំណើរទស្សនកិច្ចនេះមាន សារៈសំខាន់ខ្ពស់ក្នុងការបន្ថែមចំណេះដឹង និងពង្រឹងទំនាក់ទំនងវិស័យឯកជននិងសាធារណៈ ព្រមទាំងបង្កើនសមត្ថភាពសិស្សនិស្សិតក្នុងការយល់ដឹងអំពីចំណីសត្វនិងឧស្សាហកម្មអាហារ។ ទន្ទឹមនឹងនេះថែមទាំងផ្តល់ឪកាសបន្ថែមដល់សមាជិកព្រឹទ្ធសភា មន្ត្រីអគ្គលេខាធិការដ្ឋានព្រឹទ្ធសភា តំណាងគ្រឺះដ្ឋានឧត្តមសិក្សា សិស្សនិស្សិត បានយល់ដឹងនិងស្វែងយល់ពីដំណើរការណ៏ចាប់តាំងពីការចិញ្ចឹមសត្វរហូតដល់ការកែច្នៃជាអាហាររបស់ក្រុមហ៊ុនស៊ីភី។
លោកបានអះអាងពីការគាំទ្រពីសំណាក់រដ្ឋសភាជាប្រព័ន្ធសាធារណៈក្នុងការជម្រុញវិស័យកសិឧស្សាហកម្មឲ្យរីកចម្រើនក្នុងទិសដៅនិរន្តរភាព។
ក្រុមហ៊ុន CPF ជាក្រុមហ៊ុនខ្នាតធំមួយដែលប្រតិបត្តិការអាជីវកម្មកសិ-ឧស្សាហកម្ម និងចំណីអាហារ ចាប់តាំងពីឆ្នាំ១៩៩៦ រហូតដល់បច្ចប្បន្ននេះបានរយះពេល ២៩ ឆ្នាំស្ថិតក្រោមចក្ខុវិស័យ “ផ្ទះបាយពិភពលោក” ប្រកបដោយនិរន្តរភាព ដែលផ្តោតសំខាន់លើការប្រតិបត្តិអាជីវកម្មចំណីសត្វ(Feed) ការចិញ្ចឹមសត្វ (Farm ) ចំណីអាហារ(Food ) ហើយក្រុមហ៊ុនក៏បានបើកដំណើរការអាជីវកម្មហាងលក់រាយនឹងអាហារជាច្រើនដូចជា CP Fresh Shop ,Five Star, Star Coffee នឹងHi-Pork ដោយឈរលើមូលដ្ឋានគ្រឹះដោយទំនួលខុសត្រូវចំពោះសង្គមជាតិ និងបរិស្ថាន។
