ស្តេចត្រាញ់លើសមរភូមិវាលស្មៅ កីឡាករ Lionel Messi នឹង​ក្លាយ​ជា​អ្នក​រក​ចំណូល​បាន​ច្រើន​ជាង​គេ​នៅ​ក្លឹប Inter Miami របស់ MLS ក្រោយចេកចេញពីទ្រនំចាស់ Paris Saint-Germain។ នេះបើយោងតាមការឲ្យដឹងពី គេហទំព័រ 90 MIN ចុះផ្សាយថ្ងៃទី១៩ ខែមិថុនា ឆ្នាំ២០២៣។

នៅក្នុងតារាងប្រាក់ខែកីឡាករទាំងអស់របស់ក្លឹប Inter Miami លោក Lionel Messi ម្ចាស់ជើងឯក World Cup ឆ្នាំ២០២២ បានឈរនៅលើលំដាប់លេខរៀងទីមួយ ខណៈចំនួននៃប្រាក់ខែរបស់លោកខ្ពស់ជាងសមាជិកក្នុងក្រុមជាមួយគ្នាដល់ទៅជាង១០ដងឯណោះ ដូចបង្ហាញខាងក្រោម៖

1/. កីឡាករ Lionel Messi តួនាទី ខ្សែប្រយុទ្ធ, ប្រាក់ខែ ៥៤,០០០,០០០ដុល្លារ

2/. កីឡាករ Josef Martinez តួនាទី ខ្សែប្រយុទ្ធ, ប្រាក់ខែ ៤,០០០,០០០ដុល្លារ

3/. កីឡាករ Rodolfo Pizarro តួនាទី ខ្សែបម្រើ, ប្រាក់ខែ ៣,០៥០,០០០ដុល្លារ

4/. កីឡាករ DeAndre Yedlin តួនាទី ខ្សែការពារ, ប្រាក់ខែ ៨២៥,០០០ ដុល្លារ

5/. កីឡាករ Jean Mota តួនាទី ខ្សែបម្រើ, ប្រាក់ខែ ៧៥០,០០០ ដុល្លារ

6/. កីឡាករ Gregore តួនាទី ខ្សែបម្រើ, ប្រាក់ខែ ៧២៥,០០០ ដុល្លារ

7/. កីឡាករ Corentin Jean តួនាទី ខ្សែប្រយុទ្ធ, ប្រាក់ខែ ៧២០,០០០ ដុល្លារ

8/. កីឡាករ Sergii Kryvtsov តួនាទី ខ្សែការពារ, ប្រាក់ខែ ៥៥៥,៥០០ដុល្លារ

9/. កីឡាករ Leonardo Campana តួនាទី ខ្សែប្រយុទ្ធ, ប្រាក់ខែ ៥៥៥,០០០ដុល្លារ

10/. កីឡាករ Nick Marsman តួនាទី អ្នកចាំទី, ប្រាក់ខែ ៤៧៤,៩៩៦ដុល្លារ

11/. កីឡាករ Nicolás Stefanelli តួនាទី ខ្សែបម្រើ, ប្រាក់ខែ ៤០០,០០០ដុល្លារ

12/. កីឡាករ Kamal Miller តួនាទី ខ្សែការពារ, ប្រាក់ខែ ៣៧៥,០០០ដុល្លារ

13/. កីឡាករ Franco Negri តួនាទី ខ្សែការពារ, ប្រាក់ខែ ២២៥,០០០ ដុល្លារ

14/. កីឡាករ Robert Taylor តួនាទី ខ្សែប្រយុទ្ធ, ប្រាក់ខែ ២៧៦,០០០ ដុល្លារ

15/. កីឡាករ Dixon Arroyo តួនាទី ខ្សែបម្រើ, ប្រាក់ខែ ១៥០,០០០ ដុល្លារ

16/. កីឡាករ Victor Ulloa តួនាទី ខ្សែបម្រើ, ប្រាក់ខែ ២៥០,០០០ ដុល្លារ

17/. កីឡាករ Christopher McVey តួនាទី, ប្រាក់ខែ ២១៩,៩៩៦ ដុល្លារ

គួរជម្រាបផងដែរថា ការសម្រេចចិត្តរបស់កីឡាករ Lionel Messi ក្នុងការផ្លាស់ប្តូរពីក្រុមបាល់ទាត់អឺរ៉ុបសម្រាប់ Inter Miami នៃ Major League Soccer បានធ្វើឱ្យមានការភ្ញាក់ផ្អើលយ៉ាងខ្លាំងជុំវិញពិភពបាល់ទាត់។ មិនតែប៉ុណ្ណោះប្រសិនបើលោកបោះជំហានចូលរួមជាមួយក្លឹប Al-Hilal របស់អារ៉ាប៊ីសាអូឌី នឹងទទួលបានតម្លៃខ្លួនរហូតដល់ ៥២២លានផោនឯណោះ៕

អត្ថបទដោយ៖ កាន់ ដារ៉ា (ស្មេរពនេចរ)