បងប្អូនមួយចំនួនប្រហែលជាគិតថាខ្លួនជាមនុស្សសាមញ្ញហើយចំណូលក៏តិច ដូច្នេះមិនអាចក្លាយជាម្ចាស់ភាគហ៊ុនរបស់ក្រុមហ៊ុនធំៗក្នុងស្រុកបានឡើយ។ យ៉ាងណាមិញទោះបងប្អូនចំណូលទាបក៏ដោយក៏អាចក្លាយជាម្ចាស់ភាគហ៊ុនរបស់ក្រុមហ៊ុនធំៗក្នុងស្រុកបានដែរតាមរយៈវិនិយោគទិញភាគហ៊ុនក្រុមហ៊ុនទាំងនោះនៅលើផ្សារមូលបត្រកម្ពុជា ដែលជាផ្សារភាគហ៊ុនកម្ពុជា។

ខាងក្រោមនេះភាគជាក្រុមហ៊ុនធំៗចំនួន៤ ដែលបងប្អូនអាចក្លាយជាម្ចាស់ភាគហ៊ុនក្រុមហ៊ុនទាំងនេះតាមរយៈការទិញហ៊ុននៅលើផ្សារហ៊ុន ហើយក្រុមហ៊ុនទាំងនេះតែងតែចែកភាគលាភទៀតទាត់រាល់ឆ្នាំដូច្នេះបើអ្នកទិញភាគហ៊ុនក្រុមហ៊ុនទាំងនេះនៅលើផ្សារហ៊ុន អ្នកនឹងអាចបង្កើតចំណូលអកម្មតាមរយៈភាគលាភ។

១. ធនាគារ អេស៊ីលីដា

ធនាគារ អេស៊ីបានឡើងផ្សារហ៊ុនកាលពីឆ្នាំ២០២០ ហើយភាគលាភរបស់អេស៊ីលីដាប្រចាំឆ្នាំ២០២២ដែលយកមកចែកនៅឆ្នាំ២០២៣នេះមានចំនួន៦៨៥រៀលក្នុងមួយហ៊ុន។ ធនាគារ អេស៊ីលីដគឺចែកភាគលាភរាល់ឆ្នាំទៅឲ្យអ្នកវិនិយោគ ហើយសម្រាប់ភាគលាភប្រចាំឆ្នាំ២០២៤ដែលយកមកចែកនៅឆ្នាំ២០២៥នេះគឺម្ចាស់ភាគហ៊ុនបានភាគលាភចំនួន២២៧.៨០រៀលក្នុងមួយហ៊ុន។

២. រដ្ឋករទឹកស្វយ័តក្រុងភ្នំពេញ

ករទឹកស្វយ័តក្រុងភ្នំពេញគឺជាក្រុមហ៊ុនដំបូងបង្អស់ដែលឡើងលើផ្សារហ៊ុនកម្ពុជា ហើយក៏ជាក្រុមហ៊ុនដែលចែកភាគលាភកើនឡើងរាល់ឆ្នាំទោះជាឆ្នាំខ្លះក្រុមហ៊ុននេះរកស៊ីប្រាក់ចំណេញថយចុះក៏ដោយ។ ភាគលាភប្រចាំឆ្នាំ២០២៣ដែលក្រុមហ៊ុនយកមកចែកនៅឆ្នាំ២០២៤នេះចំនួន៣៥០រៀលក្នុងមួយហ៊ុន ហើយភាគលាភឆ្នាំ២០២៤រំពឹងថានឹងបន្តកើនឡើងដូចរាល់ឆ្នាំ។

៣. កំពង់ដែស្វយ័តក្រុងភ្នំពេញ

កំពង់ផែស្វយ័តក្រុងភ្នំពេញគឺជាក្រុមហ៊ុនដែលរស៊ីមានស្ថានភាពរឹងមាំហើយក៏ចែកភាគលាភទៀងទាត់រាល់ឆ្នាំដូចក្រុមហ៊ុនដែលបានរៀបរាប់ខាងលើដែរ។ កំពង់ផែក្រុងភ្នំពេញត្រូវបានឯកឧត្ដម ហុង សុហួរ អគ្គនាយកផ្សារមូលបត្រកម្ពុជាលើកឡើងថាជាផែដែលមានសក្ដានុពលនាពេលអនាគតខណៈព្រែកភ្នំពេញកំពតឆ្លងកាត់តាមផែនភ្នំពេញទាំអស់ ដូច្នេះធ្វើឲ្យផែនេះកាន់តែមានសក្ដានុពលហើយតម្លៃហ៊ុនបច្ចុប្បន្នក៏ធូរថ្លៃល្អផងដែរ។

៤. កំពង់ស្វយ័តក្រុងព្រះសីហនុ

កំពង់ផែស្វយ័តក្រុងព្រះសីហនុគឺជាផែទឹកប្រៃធំបំផុតនៅកម្ពុជាហើយក្រុមហ៊ុនក៏ចែកភាគលាភទៀងទាត់រាល់ឆ្នាំផងដែរ។ ភាគលាភប្រចាំឆ្នាំ២០២៣ដែលយកមកចែកនៅឆ្នាំ២០២៤នេះមានចំនួន៤៤៣រៀលក្នុងមួយហ៊ុន។ ក្រុមហ៊ុននេះគឹល្អសម្រាប់អ្នកវិនិយោគទិញហ៊ុនរយៈពេលវែង។ ជាក់ស្ដែងកំពង់ផែក្រុងព្រះសីហនុកំពុងសងសាងផែទឹកជ្រៅដោយមានជំនួយពីជប៉ុន ហើយផែទឹកជ្រៅនេះរំពឹងថានឹងរួចរាល់ក្នុងការទទួលនាវាគ្រប់ខ្នាតទាំងអស់ចូលចតបាននៅត្រឹមឆ្នាំ២០២៨។ ដូច្នេះបើវិនិយោគពីឥឡូវ អនាគតទៅអាចនឹងត្រូវប៉ាន់។

៥. ក្រុមហ៊ុន ម៉េងលី ជេ. គួច អេឌ្យូខេសិន( MJQE)

ក្រុមហ៊ុន ម៉េងលី ជេ. គួច អេឌ្យូខេសិន( MJQE) របស់អ្នកឧកញ៉ា គួច ម៉េងលីបានលើផ្សារហ៊ុនកាលពីឆ្នាំ២០២៣។ ក្រុមហ៊ុននេះតែងតែចែកភាគលាភយ៉ាងទៀតទាត់។ ជាក់ស្ដែងក្រុមហ៊ុនបានសន្យាចែកភាគលាភចំនួន៦%នៃតម្លៃ IPO រយៈពេល២ឆ្នាំដំបូងបន្ទាប់ពីលើផ្សារហ៊ុន. ហើយអ្វីដែលកាន់តែពិសេសគឺរយៈពេល២ឆ្នាំមកនេះក្រុមហ៊ុនបានចែកភាគលាភរហូតដល់៧%លើសពីការសន្យាទៅទៀត។

៦. ក្រុមហ៊ុន សែលកាត( Cellcard)

ក្រុមហ៊ុន Cellcard ដែលស្ថិតនៅក្រោមដំបូលនៃក្រុមហ៊ុន Royal Group របស់អ្នកឧកញ៉ា គិត ម៉េងគឺជាក្រុមហ៊ុនដែលឡើងលើផ្សារហ៊ុនហើយចែកភាគលាភយ៉ាងទៀតទាត់។ អ្វីដែលសំខាន់គឺក្រុមហ៊ុនចែកភាគលាភប្រចាំត្រីមាសពោលគឺបើអ្នកទិញហ៊ុនCellcard លុយភាគលាភនឹងលោតចូលកុង៣ខែម្ដង។

៧. ក្រុមហ៊ុន Royal Group Phnom Penh SEZ

ក្រុមហ៊ុន Royal Group Phnom Penh SEZ គឺជាបុត្រសម្ព័ន្ធនៃក្រុមហ៊ុនRoyal Group របស់អ្នកឧកញ៉ា គិត ម៉េងដែលពីមុនយើងស្គាល់ថាតំបន់សេដ្ឋកិច្ចពិសេសភ្នំពេញ តែក្រោយមកបន្ទាប់ពីអ្នកឧកញ៉ា គិត ម៉េង ទិញយកភាគលាភហ៊ុននិងក្លាយជាម្ចាស់ភាគហ៊ុនធំក៏ប្ដូរឈ្មោះមកជា ក្រុមហ៊ុន Royal Group Phnom Penh SEZ។ ក្រុមហ៊ុននេះតែងតែចែកភាគលាភរាល់ឆ្នាំកាន់អ្នកវិនិយោគលើផ្សារហ៊ុន។

គួរបញ្ជាក់ផងដែរប្រជាជនខ្មែរទូទៅសុទ្ធតែឱកាសក្លាយជាម្ចាស់ភាគហ៊ុនរបស់ក្រុមហ៊ុនដែលបានរៀបរាប់ខាងលើនេះ ដោយពួកគាត់អាចទិញភាគហ៊ុនក្រុមហ៊ុនទាំងនេះនៅលើផ្សារហ៊ុនកម្ពុជា។ ជាពិសេសការវិនិយោគទិញហ៊ុននៅលើផ្សារហ៊ុន បងប្អូនមិនជួបការចាញ់បោកគេ ដូចទិញភាគហ៊ុនខាងក្រៅដែលបងប្អូនមួយចំនួនធ្លាប់ចាញ់បោកគេកន្លងមកនោះទេ។

ការវិនិយោគលើផ្សារហ៊ុនគឺជារឿងថ្មីសម្រាប់ប្រជាជនកម្ពុជាដូច្នេះបងប្អូនភាគច្រើនមិនទាន់ដឹងថាតើចង់វិនិយោគលើផ្សារហ៊ុនគេចាប់ផ្ដើមពីណា ហើយទិញហ៊ុនគេទិញដោយរបៀបណា។ ដូច្នេះបើចង់រកផ្លូវរៀនវិនិយោគលើផ្សារហ៊ុនអាចចូលគ្រុបតេឡេក្រាម https://t.me/toeuy_hong៕