ទិញដី ក្រៅពីការស្វែងរកទីតាំងដែលល្អ យើងគម្បីគួរតែស្វែងយល់បន្ថែមទាក់ទងផ្នែកច្បាប់ និងប្រវត្ដិដីឲ្យបានច្បាស់ ដើម្បីចៀសវាងទិញហើយមិនអាចធ្វើប្លង់កម្មសិទ្ធិបាន។ ជាពិសេសការទិញដីនៅតំបន់ជាប់ច្រាំងឬឆ្នេរ នៃផ្លូវទន្លេ សមុទ្រ ស្ទឹង បឹង ព្រែកនានា អ្នកត្រូវតែមានភាពច្បាស់លាស់ ព្រោះដីនៅជាប់តំបន់ទាំងនេះ រដ្ឋបានកំណត់ដីចំណីព្រែក ស្ទឹង ប្រឹង អូរ ទន្លេ ទៅតាមប្រវែងនីមួយៗ។
យោងតាមអនុក្រឹត្យស្ដីពី ការគ្រប់គ្រងអាងទន្លេ របស់រាជរដ្ឋាភិបាល ដីចំណីមាត់ច្រាំងនិងឆ្នេរនៃតំបន់អាងទន្លេត្រូវកំណត់ចម្ងាយដូចតទៅ៖
- ឆ្នេរនិងពាមសមុទ្រ ចម្ងាយ១០០(មួយ)ម៉ែត្រគិតពីមាត់ឆ្នេរនិងមាត់ពាម(ពេលទឹកជោរអតិបរមា)
- ទន្លេ ចម្ងាយ៥០ (ហាសិប)ម៉ែត្រ គិតពីមាត់ច្រាំងទន្លេ
- ស្ទឹង ចម្ងាយ៣០ (សាមសិប)ម៉ែត្រ គិតពីមាត់ច្រាំងស្ទឹង
- ព្រែក ចម្ងាយ២០ (ម្ភៃ)ម៉ែត្រ គិតពីមាត់ច្រាំងព្រែក
- អូរ ចម្ងាយ១០ (ដប់)ម៉ែត្រ គិតពីមាត់ច្រាំងអូរ
- ប្រឡាយមេ ចម្ងាយ១០(ដប់)ម៉ែត្រ គិតពីជើងទេភ្លឺប្រឡាយផ្នែកខាងក្រៅ
- ប្រឡាយរង ចម្ងាយ៥(ប្រាំ)ម៉ែត្រ គិតពីជើងទេរភ្លឺប្រឡាយផ្នែកខាងក្រៅ
- ប្រឡាយស្រោចស្រព ចម្ងាយ៣(បី)ម៉ែត្រ គិតពីជើងទេញ្ជើប្រឡាយផ្នែកខាងក្រៅ
- អាងទឹក ចម្ងាយ១០០ (មួយរយ)ម៉ែត្រគិតពីក្រិតកម្ពស់ទឹកអភិបហេដែលបាន តម្កល់នៅក្នុងអាងទឹក
- បឹងបួ ចម្ងាយ៥០(ហាសិប)ម៉ែត្រគិតពីក្រិតកម្ពស់ទឹកអតិបរមាដែលបាន តម្កល់នៅក្នុងអាងទឹក
- ទំនប់អាងទឹក ចម្ងាយ២០០ម្ភៃ)ម៉ែត្រ គិតពីជើងទេះផ្នែកខាងក្រោមទំនប់អាងទឹកដែល មានកម្ពស់តិចជាង៤(បួន)ម៉ែត្រ។ ចម្ងាយ១០០ (មួយរយ)ម៉ែត្រ គិតពី ជើងទេរផ្នែកខាងក្រោមទំនប់អាងទឹកដែលមានកម្ពស់ពី៤(បួន)ម៉ែត្រ ទៅ៨(ប្រាំបី) ម៉ែត្រ។ ក្នុងករណីទំនប់ដែលមានកម្ពស់លើសពី៨(ប្រាំបី) ម៉ែត្រឡើងទៅត្រូវបានកំណត់អនុក្រឹត្យដោយឡែក។
ចំពោះដីចំណីមាត់ច្រាំង ឆ្នេរ និងតាមសមុទ្រនៅតំបន់រាជធានីឬក្រុងនៃខេត្តឬទីប្រជុំជន និងតំបន់អភិវឌ្ឍ ត្រូវកំណត់ដោយលិខិតបទដ្ឋានគតិយុត្តដោយឡែក។ ហើយសម្រាប់ដីចំណីមាត់ច្រាំង ឆ្នេរ និងពាមសមុទ្រនៃតំបន់អាងទន្លេបានកំណត់ខាងលើជាសម្បត្តិសាធារណៈ របស់រដ្ឋ៕
