ហាងទំនើប LG BrandShop សាខាទួលទំពូង​បានបើកដំណើរការលក់ផលិតផលជាផ្លូវការហើយ នាព្រឹកថ្ងៃទី ១៣ ខែតុលាឆ្នាំ ២០២២នេះក្រោមអធិបតីភាពបើកសម្ពោធដោយ ឯកឧត្តម សុខ សម្បត្តិ  ជំនួយការផ្ទាល់សម្តេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជា និងអភិបាលនៃគណៈអភិបាលខណ្ឌបឹងកេងកង។

លោក ហ៊​ ធីឡា នាយកគ្រប់គ្រងផ្នែកលក់រាយនៃក្រុមហ៊ុន GGear Retailមានប្រសាសន៍ថា LG BrandShop​ សាខាទួលទំពូង ​គឺជាសាខាទី18 ក្នុងចំណោម LG BRANDSHOP ទាំងអស់ទូទាំងប្រទេសកម្ពុជា ដែលក្នុងនោះមាន 8 សាខា ទីតាំងសិ្ថតនៅក្នុងរាជធានីភ្នំពេញបូករួមទាំង Aeon1 និង Aeon2 នឹង 12 សាខាទៀតស្ថិតនៅតាមបណ្តាខេត្ត។ LG BrandShop នឹងមានវត្តមាននៅ Aeon3 & Prince Plaza ក្នុងឆ្នាំនេះផងដែរ។

លោកបន្តថា «ក្រុមហ៊ុនរបស់យើងក៏មានមជ្ឈមណ្ឌលសេវាកម្មថែទាំនិង ជួសជុលដែលគ្របដណ្តប់ស្ទើរទូរទាំងប្រទេស ដើម្បីផ្តល់ភាពងាយស្រួលដល់អតិថិជន និងជួយកាត់បន្ថយការចំណាយរបស់ពួកគាត់ ព្រមទាំងអភិវឌ្ឍន៍ធនធានមនុស្សក្នុងតំបន់»។

ទន្ទឹមនឹងគ្នានេះដែរ លោក Seung Ho Lee អគ្គនាយកក្រុមហ៊ុន LG Electronics ប្រចាំប្រទេសកម្ពុជាក៏បានលើកឡើងអំពីភាពឆ្លាតវៃរបស់គ្រឿងអេឡិចត្រូនិច LG ដែលរចនាឡើងផ្តោតសំខាន់លើ បច្ចេកវិទ្យាថ្មីៗ មានគុណភាពខ្ពស់ដែលជួយសម្រួលដល់អ្នកប្រើប្រាស់ក្នុងប្រតិបត្តិការការងារប្រចាំថ្ងៃ។

លោកបានបញ្ជាក់យ៉ាងដូច្នេះថា «គោលបំណងនៃការបង្កើតឱ្យមានLG Brandshop នេះឡើងគឺ ដើម្បីផ្តល់ជូនអតិថិជននូវបទពិសោធន៍ថ្មីជាមួយផលិតផល LG ដែលមានមុខងារបច្ចេកវិទ្យាខ្ពស់ អាចគ្រប់គ្រង និងបញ្ជា តាមរយៈទូរស័ព្ទដៃបានដោយប្រើកម្មវិធី LG ThinQ។ ហើយយើងបានពង្រីកសាខាLG BrandShop បានយ៉ាងលឿន ដោយសារមានដៃគូសហការ ល្អបំផុតពីក្រុមហ៊ុន ជីហ្គៀ គ្រុប»។

ហាងទំនើប LG BrandShop សាខាទួលទំពូងកំពុងដំណើរការដាក់លក់គ្រឿងអេឡិចត្រូនិច LG គ្រប់ប្រភេទមានដូចជា សម្ភារៈផ្ទះបាយ ម៉ាស៊ីនត្រជាក់ ម៉ាស៊ីនបោក ផលិតផលថែទាំសម្លៀក បំពាក់ ឧបករណ៍បន្សុទ្ធសំណើម បន្សុទ្ធខ្យល់ម៉ូឌែលថ្មីចុងក្រោយគេបង្អស់សំរាប់អតិថិជនក្នុងតំបន់។ សាខាថ្មីនេះក៏មានផ្តល់សេវាជួសជុលលើឧបករណ៍LG គ្រប់ប្រភេទពីក្រុមជាងជំនាញជួសជុលដែលមានជំនាញវិជ្ជាជី​វៈច្បាស់លាស់។

ក្នុងឱកាសបើកដំណើរការជាផ្លូវការរបស់ LG Brandshop សាខាទួលទំពូងនេះ ការមានបញ្ចុះតម្លៃរហូតដល់30% និងមានឱកាសបង្វិលកងឈ្នះរង្វាន់យ៉ាងច្រើនសន្ធឹកសន្ធាប់។ លើសពីនោះទៅទៀតLG BrandShop ក៏មានកាដូថែមជូនអតិថិនជនផងដែរ។

LG BRANDSHOP សាខានេះមានទីតាំងស្ថិតនៅ ផ្ទះលេខ 159A ផ្លូវម៉ៅសេទុង កែងផ្លូវ ១៤៣ ខ័ណ្ឌបឹងកេងកង រាជធានីភ្នំពេញ៕

សេវាកម្មដឹកជញ្ជូនរហ័សទាន់ចិត្ត ទំនាក់ទំនង៖ 015222546 (Join Telegram LG Brandshop Cambodia : https://t.me/lgbrandshopkh)

អត្ថបទពាណិជ្ជកម្ម