មនុស្សកើតមកតែងតែចាយពេលទៅសាលារៀនដើម្បីសិក្សាស្រូបយកចំណេះដឹង ជំនាញព្រោះចំណេះជំនាញគឺអាចជួយពួកគាត់ឲ្យមានសមត្ថភាពរកចំណូលដើម្បីចិញ្ចឹមជីវិតនិងតម្រូវការផ្សេងៗទៀតនៅក្នុង ការរស់នៅ។

 ទាក់ទងនឹង​ចំណេះដឹងនិងជំនាញ នៅក្នុងកម្មវិធីពិព័រណ៍ភាគហ៊ុនរបស់ MJQE ដែលធ្វើនៅផ្សារទំនើបអ៊ីអន សែន សុខ អ្នកឧកញ៉ាវេជ្ជបណ្ឌិត គួច ម៉េងលី ស្ថាបនិក ប្រធានក្រុមប្រឹក្សាភិបាល និងជាអគ្គនាយកប្រតិបត្តិ នៃក្រុមហ៊ុន ម៉េងលី ជេ គួច អេឌ្យូខេសិន បានមានប្រសាសន៍ថា ប្រជាជនយើងមានបញ្ហាធំមួយហើយបញ្ហានោះគឺ”គ្មានចំណេះដឹងផ្នែកហិរញ្ញវត្ថុ”។

អ្នកឧកញ៉ាបានសង្កត់ថាការគ្មានចំណេះដឹងផ្នែកហិរញ្ញវត្ថុគឺចំណុចអវិជ្ជមានមួយក្នុងជីវិតពោលគឺប្រជាជនណាក៏ដោយបើគ្មានចំណេះដឹងគឺកម្រជោគជ័យណាស់ ផ្ទុយទៅវិញមានតែបរាជ័យពោលគឺបរាជ័យក្នុងការរកស៊ី បរាជ័យក្នុងការទុកដាក់លុយនិងបរាជ័យក្នុងការវិនិយោគទៅលើអ្វីមួយ។

អ្នកឧកញ៉ាបានមានប្រសាសន៍ឲ្យដឹងទៀតថាចំណេះដឹងហិរញ្ញវត្ថុគឺពិតជាសំខាន់ណាស់ព្រោះវាជាគន្លឹះមួយដែលធ្វើឲ្យយើងមានភាពក្លាហាន ទំនុកចិត្ត ជឿជាក់លើខ្លួនឯង លើលុយ លើទីផ្សារ លើសេដ្ឋកិច្ចនិងលើចរន្តដំណើរការនៃសេដ្ឋកិច្ចប្រទេសជាតិយើងទាំងមូល។

 និយាយដល់ចំណេះដឹងហិរញ្ញវត្ថុ អ្នកឧកញ៉ាបានលើកករណីជាក់ស្ដែង ដោយប្រជាជនមួយចំនួនពេលមានវិបត្តិឬបញ្ហាសេដ្ឋកិច្ចមកដល់ អ្នកខ្លះធ្លាប់មានលុយបែរជាធ្លាក់ខ្លួនក្រ ជួបបញ្ហាហិរញ្ញវត្ថុព្រោះតែពួកគាត់មិនមានចំណេះដឹងផ្នែកហិរញ្ញវត្ថុនេះឯង។

ដូច្នេះអ្នកឧកញ៉ាលើកទឹកចិត្តឲ្យពលរដ្ឋខ្មែររៀនពីចំណេះដឹងហិរញ្ញវត្ថុព្រោះកាលណាយើងមានចំណេះហិរញ្ញវត្ថុយើងនឹងចេះទុកដាក់លុយបានត្រឹមត្រូវ  ចេះចាយបានត្រឹមត្រូវនិងចេះយកលុយទៅវិនិយោគជាដើម។ ជាក់ស្ដែងនៅខ្មែរយើងក៏មានផ្សារភាគហ៊ុនដែលពលរដ្ឋខ្មែរយើងអាចសិក្សាស្វែងយល់ហើយអាចយកលុយទៅវិនិយោគលើផ្សារហ៊ុនដែលជាកន្លែងវិនិយោគមានទំនុកចិត្តនិងអាចកសាងទ្រព្យសម្បត្តិរយៈពេលវែង។

ទាក់ទងនឹងការវិនិយោគលើផ្សារហ៊ុននេះដែរ ក្រុមហ៊ុន ម៉េងលី ជេ គួច អេឌ្យូខេសិន របស់អ្នកឧកញ៉ាក៏នឹងឡើងផ្សារហ៊ុនក្នុងពេលឆាប់ៗ ហើយបច្ចុប្បន្នពលរដ្ឋខ្មែរទូទៅអាចទិញភាគហ៊ុនក្រុមហ៊ុនរបស់អ្នកឧកញ៉ាបានដោយអ្នកឧកញ៉ាកំពុងលក់ហ៊ុនជាសាធារណៈដល់ពលរដ្ឋខ្មែរ។ ចង់ដឹងពីរបៀបទិញហ៊ុនរបស់អ្នកឧកញ៉ា គួច ម៉េងលី អាចចូលទៅសួរនាំក្នុងគ្រុបតេឡេក្រាម: https://t.me/MJQEIPO ។

សម្រាប់បងប្អូនដែលមិនទាន់យល់ពីការវិនិយោគលើផ្សារហ៊ុនអាចតាមដានហ្វេសប៊ុកផេក Toeuy Hong-ទឿយ ហុងនិងចូលគ្រុបតេឡេក្រាម https://t.me/toeuy_hong៕