នៅប៉ុន្មានថ្ងៃ ចុងក្រោយនេះយើងដឹងហើយថាមាសគឺបានឡើងថ្លៃខ្លាំងមែនទែន ដោយនៅក្នុងនោះប្រជាជនដែលធ្លាប់បានទិញមាសយកទុកគឺនាំគ្នាសម្រុកទៅលក់មាសព្រោះគិតថាអាចនឹងចំណេញ ជាពិសេសគឺប្រជាជនថៃបានសម្រុកទៅលក់យ៉ាងកកកុញ។ នេះបើតាមការចេញផ្សាយដោយសារព័ត៌មាន The Nation ។
ប្រភពខាងលើបានបន្តឱ្យដឹងថា អ្នកស្រុកខេត្ត Nakhon បានប្រញាប់ប្រញាល់ទៅហាងមាសដើម្បីលក់មាសដ៏ថ្លៃរបស់ពួកគេ បន្ទាប់ពីតម្លៃរបស់វាឡើងខ្ពស់ជាប្រវត្តិសាស្រ្ត។ ដោយនៅក្នុងមានហាងមាសជាង ២០កន្លែង គឺមានសភាពកកកុញយ៉ាងខ្លាំងដោយមានមនុស្សសម្រុកទៅលក់ខ្លាំងពេក។
លោក Suthep Nattakarnkanok ទីប្រឹក្សាសមាគមពាណិជ្ជករមាសនៅខេត្ត Nakhon Ratchasima បាននិយាយថាបើទោះបីជាមាសឡើងថ្លៃក៏ដោយ ប៉ុន្តែ ហាងមាសពី ៦ ទៅ ៧ កន្លែងក្នុងខេត្តនគររាជសីមា ត្រូវបានបិទដោយសារតម្លៃមាសឡើងថ្លៃហើយមូលហេតុដែលបិទនោះគឺម្ចាស់ហាង់ថា “លំបាកក្នុងការរកប្រាក់ចំណេញ”។ លោកបានបន្ថែមថា យ៉ាងហោចណាស់ហាងមាសចំនួន ១០ នឹងត្រូវបិទ ប្រសិនបើតម្លៃមាសឡើងថ្លៃទៀត។
គួរបញ្ជាក់ផងដែរថា គិតត្រឹមថ្ងៃនេះហាងឆេងនៅទីផ្សារស្រុកយើងមានតម្លៃ ៣៤៥ដុល្លារក្នុងមួយជី ខណៈ១តម្លឹងមាសមានតម្លៃ ៣៥០៨ បើគិតក្នុងទីផ្សារអន្តរជាតិ៕
