បន្ទាប់ពីបាត់ខ្លួនអស់រយៈពេល 2 ឆ្នាំ ទីបំផុត OPPO ដាច់ចិត្តប្រកាសចេញនូវស្មាតហ្វូនលំដាប់កំពូល Find X8 Series នៅលើទីផ្សារជាសកលហើយ ធ្វើឲ្យកក្រើករង្គោះរង្គើលើបណ្តាញសង្គមក៏ដូចជាវេបសាយបច្ចេកវិទ្យាទូទាំងពិភពលោក។ សម្រាប់ព្រឹត្តិការណ៍សម្ពោធជាសកល OPPO Find X8 Series ធ្វើឡើងនៅកោះបាលី ប្រទេសឥណ្ឌូនេស៊ី។ អ្វីដែលគួរឲ្យចាប់អារម្មណ៍ក៏ឃើញមានវត្តមាន MPJ និង Khun Vanling ព្រមទាំងអ្នកជំនាញថតរូបល្បីៗប្រចាំប្រទេសកម្ពុជាបានអញ្ជើញចូលរួមក្នុងព្រឹត្តិការណ៍មួយនេះផងដែរ។

កំពូលស្មាតហ្វូន OPPO Find X8 និង OPPO Find X8 Pro មកលើកនេះផ្តល់ជូននូវការឌីហ្សាញថ្មីប្លែកពីមុនជាមួយនឹងលក្ខណៈសម្បត្តិជាច្រើនគួរឲ្យចាប់អារម្មណ៍អ្នកប្រើប្រាស់ ជាពិសេសគឺកាមេរ៉ា AI Telescope 120x។ សម្រាប់កាមេរ៉ាក្រោយទាំង 3 មានទំហំ 50MP ហើយជាកិច្ចសហការជាមួយក្រុមហ៊ុនកាមេរ៉ាដ៏ធំ Hasselblad ទៀតផង។

ចំពោះ Find X8 មានថាមពលថ្មធំទំហំ 5630mAh ជាមួយនឹងកម្លាំងសាកថ្ម 80W SUPERVOOC និងសាកលឿន 50W AirVOOC តាម Wireless ។ ចំណែកឯកម្លាំងម៉ាស៊ីន ប្រើជាមួយបន្ទះឈីបកំពូលជំនាន់ថ្មី MediaTek Dimensity 9400 ទំហំ​ 3nm ដែលឈីបរត់បានល្បឿនលឿន ទាំង CPU GPU និង NPU ដែលផ្តោតលើ AI គឺធ្វើការបានលឿនខ្លាំង និងកាត់បន្ថយការស៊ីថ្មច្រើន។

OPPO Find X8 បំពាក់អេក្រង់រាបស្មើទំហំ 6.59” ជាប្រភេទ AMOLED បង្ហាញបានគុណភាព 1256 x 2760 pixels ឬហៅថា 1.5K ដែលច្បាស់ល្អ មិនឃើញគ្រាប់ Pixel តូចៗទេ ព្រោះកំរិត Pixel ខ្ពស់ដល់ទៅ 460pixel ឯណោះ។ ចំពោះកម្រិតពន្លឺ យើងអាចទាញពន្លឺដល់ទៅ  1600nit និងឡើង Auto ខ្ពស់បំផុតដល់ទៅ 4500 nits ហើយចំពោះល្បឿនចលនាលើអេក្រង់គឺវាឆ្លាស់បាន 120hz រអិលអស់ស្ទះ។ អ្វីដែលគ្រប់គ្នាភ្ញាក់ផ្អើល OPPO Find X8 ក៏មានកោះលើថ្ងាសដែលគេហៅវាថា Live Alerts ដូចទៅ Dynamic Island របស់ iPhone ដែរ គឺអាចបើកកម្មវិធីបានច្រើនក្នុងពេលតែមួយ ជាមួយប្រព័ន្ធប្រតិបត្តិការជំនាន់ថ្មី ColorOS 15 ។

ចំពោះរូបរាងឌីហ្សាញខាងក្រៅមានរូបរាងស្លីម ទម្ងន់ស្រាល ផ្ទៃអេក្រង់មានគែមចង្កាស្តើងខ្លាំង ហើយតួទូរស័ព្ទក៏មានភាពធន់រឹងមាំកម្រិតស្តង់ដាយោធាផ្កាយ 5 ពីស្ថាប័ន SGS របស់ប្រទេសស្វីស ជាមួយនឹងប្រព័ន្ធការពារទឹកនិងធូលីកម្រិតធ្ងន់ IP68 & IP69 ដែលអាចធន់នឹងទឹកដល់សីតុណ្ហភាព 80^oC ថែមទៀតផង។ សរុបមកវិញការបង្ហាញខ្លួនជាថ្មីរបស់ត្រកូល Find X លើកនេះពិតជាមិនខកបំណង ហើយពិតជាធ្វើឲ្យមនុស្សគ្រប់គ្នានឹកស្មានមិនដល់។

ងាកមកវិញសម្រាប់ក្រុមហ៊ុន OPPO ប្រចាំប្រទេសកម្ពុជាយើងក៏បានត្រៀមខ្លួនដាក់សម្ពោធ OPPO Find X8 Series ជាផ្លូវការនាថ្ងៃទី25 ខែវិច្ឆិកា ខាងមុខនេះផងដែរ។ ដូចនេះកុំភ្លេចតាមដានទស្សនាការ Live ពីផេគផ្លូវការរបស់ OPPO ដើម្បីមានឱកាសឈ្នះរង្វាន់ជាច្រើនផងដែរ៕