ត្រឹមថ្ងៃទី១នៃពិធីបុណ្យអុំទូក នាថ្ងៃ១៤ ខែវិច្ឆិកា តំបន់ទេសចរចំនួន៣ បានទទួលស្ថិតិភ្ញៀវទេសចរទៅលេងច្រើនជាងគេបំផុត ខណៈភ្ញៀវទេសចរចេញដើរលេងសរុប នៅទូទាំងប្រទេសមានចំនួន១,៤៣លាននាក់។
យោងតាមនាយកដ្ឋានសិត្ថិទេសចរណ៍ នៃមន្ទីរទេសចរណ៍រាជធានីខេត្តបានឱ្យដឹងថា គោលដៅទេសចរណ៍ចំនួន៣ដែលមានភាពលេចធ្លោ មានអ្នកទេសចរទៅលេងច្រើនគេជាងគេរួមមាន៖
១. រាជធានីភ្នំពេញ មានភ្ញៀវទេសចរ ជាង១លាននាក់ (១,១០៥,៧៩១) និងភ្ញៀវទេសចរអន្តរជាតិ ១ ម៉ឺន ៦ពាន់នាក់
២. ខេត្តព្រះសីហនុ មានភ្ញៀវទេសចរ ជាង៨ម៉ឺន (៨៨,២៩៣) និងមានភ្ញៀវអន្តរជាតិចំនួន ២ ៦៤១ នាក់
៣. ខេត្តសៀមរាប មានភ្ញៀវទេសចរ ជាង៨ ម៉ឺន (៨៣,០០០) និងមានភ្ញៀវទេសចរអន្តរជាតិ ៤ ១១៩ នាក់
គួរបញ្ជាក់ថាចំពោះចំនួនភ្ញៀវទេសចរជាតិ-អន្តរជាតិ ដែលបានដើរលេងកម្សាន្តទៅទូទាំងប្រទេស នៅថ្ងៃទី១ នៃពិធីបុណ្យអុំទូកមានចំនួនសរុបរួម ១,៤៣៦, ៤៤១ នាក់។ ក្នុងនោះភ្ញៀវអន្តរជាតិមានចំនួន ២៧,៤៦០ នាក់៕
