ការប្រឡងសញ្ញាបត្រមធ្យមសិក្សាទុតិយភូមិ ឬប្រឡងបាក់ឌុប ត្រូវបានបញ្ចប់ជាស្ថាពរហើយនៅថ្ងៃទី៩ ខែតុលា ឆ្នាំ២០២៤ ដោយដំណើរការអស់រយៈពេល ២ ថ្ងៃរួចមក។ ដោយក្នុងនោះបេក្ខជនដែលបានប្រឡងគឺនៅរង់ចាំតែថ្ងៃប្រកាសលទ្ធផលទៀតតែប៉ុណ្ណោះ ដើម្បីបានដឹងថាការប្រឡងរបស់ខ្លួននោះទទួលបានលទ្ធផលបែបណា។

ជាមួយគ្នានេះដែរ យោងតាមការបញ្ជាក់ពីក្រសួងអប់រំ យុវជន និងកីឡា នៅថ្ងៃទី៩ ខែតុលា បានឲ្យដឹងថា លទ្ធផលប្រឡងបាក់ឌុបឆ្នាំ២០២៤ នេះ នឹងចេញលទ្ធផលដូចតទៅ៖

• រាជធានីភ្នំពេញ និងខេត្ដកណ្ដាល នឹងចេញលទ្ធផលនៅថ្ងៃទី៣០ ខែតុលា ឆ្នាំ២០២៤
• បណ្ដាខេត្ដផ្សេងៗទៀត នឹងចេញលទ្ធផលនៅថ្ងៃទី៣១ ខែតុលា ឆ្នាំ២០២៤

សូមជម្រាបផងដែរថា សម្រាប់ការប្រឡងសញ្ញាបត្រមធ្យមសិក្សាទុតិយភូមិ ២០២៤ បានប្រព្រឹត្តទៅចំនួន ២ ថ្ងៃ ដោយក្នុងនោះនៅថ្ងៃទី០៨ និង០៩ ខែតុលា ឆ្នាំ២០២៤ ខណៈមានបេក្ខជនចូលរួមប្រឡងមានសរុបជាង១៣ម៉ឺននាក់(១៣៧.០៤០នាក់) ក្នុងនោះស្រីមាន ៧៤.៨៨២នាក់៕