អគ្គិសនីមានវត្តនៅប្រទេសកម្ពុជាដំបូងបង្អស់ ក្នុងឆ្នាំ១៩០៦។​ ក្នុងនោះការគ្រប់គ្រងអគ្គិសនីមានការផ្លាស់ប្តូរជាច្រើនឆ្លងកាត់តាមសម័យកាលនានាក្នុងប្រទេស។

នៅខែមីនា ឆ្នាំ១៩៩៦ ស្ថាប័នអគ្គិសនីកម្ពុជា ត្រូវបានក្លាយជាក្រុមហ៊ុនទទួលខុសត្រូវមានកំណត់មួយរបស់រដ្ឋ  មានភារកិច្ចផលិត បញ្ចូន និងចែកចាយថាមពលអគ្គិសនីទូទាំងប្រទេសកម្ពុជា។ ខណៈបច្ចុប្បន្នស្ថាប័ននេះគឺស្ថិតនៅក្រោមការគ្រប់គ្រង និងដឹកនាំរបស់ ក្រសួងរ៉ែ និងថាមពល ដែលមាន ឯកឧត្ដម កែវ រតនៈ ជារដ្ឋមន្ដ្រី។

យ៉ាងណាមិញយើងងាកមកដឹងអំពីកន្លែងផលិតថាមពលអគ្គិសនីរបស់កម្ពុជា សម្រាប់ប្រើប្រាស់ចំនួន៧ទីតាំងដែលស្ថិតនៅក្នុងខេត្ត៥។

១. ទំនប់វារីអគ្គិសនីសេសានក្រោម២៖ ជាប្រភពថមពលធំជាងគេនៅកម្ពុជា ដែលមានសមត្ថភាពផលិត ៤០០ មេហ្គាវ៉ាត់ (MW) ស្ថិតនៅខេត្តស្ទឹងត្រែង សម្ពោធឲ្យប្រើប្រាស់នៅឆ្នាំ២០១៨។

២. ទំនប់វារីអគ្គិសនីកំចាយ៖ ជាប្រភពថាមពលអគ្កិសនីដែលមានសមត្ថភាពផលិត ១៩៤ មេហ្គាវ៉ាត់ (MW) ស្ថិតនៅខេត្តកំពត សម្ពោធឲ្យប្រើប្រាស់នៅឆ្នាំ២០១១។

៣. ទំនប់វារីអគ្គិសនីស្ទឹងតាតៃ៖ ជាប្រភពថាមពលអគ្គិសនីដែលមានសមត្ថភាពផលិត ២៤៦ មេហ្គាវ៉ាត់ (MW) ស្ថិតនៅខេត្តកោះកុង សម្ពោធឲ្យប្រើប្រាស់នៅឆ្នាំ២០១៥។

៤. ទំនប់វារីអគ្គិសនីគីរីរម្យ១៖ ជាប្រភពថាមពលអគ្គិសនីដែលមានសមត្ថភាព ១២ មេហ្គាវ៉ាត់ (MW)ស្ថិតនៅខេត្តកំពង់ស្ពឺ សម្ពោធឲ្យប្រើប្រាស់នៅឆ្នាំ២០០២។

៥. ទំនប់វារីអគ្គិសនីគីរីរម្យ៣៖ ជាប្រភពថាមពលអគ្គិសនី ដែលមានសមត្ថភាពផលិត ១៨ មេហ្គាវ៉ាត់ (MW) ស្ថិតនៅខេត្តកោះកុង សម្ពោធឲ្យប្រើប្រាស់នៅឆ្នាំ២០១៣។

៦. ទំនប់វារីអគ្គិសនីស្ទឹងឫស្សីជ្រុំក្រោម៖ ជាប្រភពថាមពលអគ្គិសនី ដែលមានសមត្ថភាពផលិត ៣៣៨ មេហ្គាវ៉ាត់ (MW) ស្ថិតនៅខេត្តកោះកុង សម្ពោធឲ្យប្រើប្រាស់នៅឆ្នាំ២០១៥។

៧. ទំនប់វារីអគ្គិសនីស្ទឹងអាតៃ៖ ជាប្រភពថាមពលអគ្គិសនី ដែលមានសមត្ថភាពផលិត ១២០ មេហ្គាវ៉ាត់ (MW) ស្ថិតនៅខេត្តពោធិ៍សាត់​ សម្ពោធឲ្យប្រើប្រាស់នៅឆ្នាំ២០១៤។

យ៉ាងណាមិញបើតាមទិន្នន័យឆ្នាំ២០២៤ រដ្ឋាភិបាលកម្ពុជាក៏ធ្លាប់បានអនុម័តក្នុងកញ្ចប់គម្រោងចំនួន២៣ ដែលមានតម្លៃ៥,៧៩០លានដុល្លារ ដោយក្នុងនោះក៏មានការផលិតថាមពលអគ្គិសនី ដើរដោយថាមពលស្អាត ស្ថិតក្នុងខេត្តមណ្ឌលគីរី ផងដែរ៕