emart24 គឺជាយីហោផ្សារទំនើបខ្នាតតូចដែលឈានមុខគេមានដើមកំណើតមកពីប្រទេសកូរ៉េខាងត្បូង ដែលត្រូវបានគេស្គាល់ថាជាហាងដែលមានភាពច្នៃប្រឌិត និងផ្តោតសំខាន់លើអតិថិជនរបស់ខ្លួនក្នុងការលក់រាយ។

ជាមួយគ្នានោះដែរ អ្វីដែលកាន់តែរំភើបទៀតនោះនាពេលនេះ emart24 ដែលហាងលក់ទំនិញកូរ៉េ បានប្រកាសគាំទ្រ និងស្វែងរកកសិករ និងអាជីវករផលិតផលខ្មែរដើម្បីដាក់លក់។

បើតាមការបង្ហោះលើផេកផ្លូវការរបស់ emart24 បានឱ្យដឹងថា “ពេលនេះហាងលក់ទំនិញកូរ៉េ emart24 សូមធ្វើការប្រកាសទៅដល់បងប្អូនៗ ដែលជាកសិករ និងអាជិវករដែលលក់ទំនិញ និងផលិតទំនិញក្នុងស្រុកធ្វើការទំនាក់ទំនងមកកាន់ ហាងលក់ទំនិញ emart24 យើងតាមរយៈលេខទូរស័ព្ទ 085 333 284 ដើម្បីដាក់តាំងលក់ទំនិញ”។

គួរជម្រាបថា មូលហេតុដែល emart24 សម្រេចចិត្តបែបនេះព្រោះមានគោលបំណងបម្រើតម្រូវការប្រជាជនកម្ពុជា នឹងរួមជាចំណែកក្នុងការលើកស្ទួយផលិតផលជាតិក៏ដូចជាដើម្បីគាំទ្រផលិតផលខ្មែរអោយខ្មែររីកចម្រើនពឹងផ្អែកខ្លួនឯងក៏ដូចជាជម្រុញការផលិត ផលិតផលនិងការប្រើប្រាស់ផលិតផលខ្មែរ ៕