កាន់តែងាយស្រួលនិងទំនើបជាងមុន សម្រាប់អ្នកដំណើរដែលចូលមកកម្ពុជា ទាំងភ្ញៀវជាតិ- អន្តរជាតិចាប់ពីថ្ងៃទី១ ខែមករា ឆ្នាំ២០២៤ តទៅនឹងអាចឱ្យប្រើប្រាស់ប្រព័ន្ធអេឡិចត្រូនិកសលាកបត្រចូលប្រទេសកម្ពុជា មុនពេលមកដល់ (Cambodia e-Arrival Card)ដើម្បីបំពេញបែបបទអន្តោប្រវេសន៍ បែបបទគយ និង បែបបទសុខភាព មុនមកដល់អាកាសយានដ្ឋានអន្តរជាតិទាំង៣របស់ព្រះរាជាណាចក្រកម្ពុជា។
សម្រាប់ការបំពេញបែបនេះបទដែរលោកអ្នកអាចចុះឈ្មោះ និងដាក់ពាក្យស្នើសុំក្នុងរយៈពេល ៧ថ្ងៃ មុនពេលអ្នកមកដល់ព្រះរាជាណាចក្រកម្ពុជាបានដោយ ឥតគិតថ្លៃទាំងស្រុងសម្រាប់អ្នកធ្វើដំណើរទាំងអស់ក្នុងការបំពេញកាត e-Arrival ដោយគេហទំព័រផ្លូវការ https://arrival.gov.kh/ ឬកម្មវិធីទូរស័ព្ទដៃ Cambodia e-Arrival ទាំងនៅលើ PlayStore និង AppStore បាន។
គួរជម្រាបផងដែរថាមុខងារ e-Arrival Card គឺជាប្រព័ន្ធថ្មីមួយដែលត្រូវបានរចនាឡើងដើម្បីធ្វើឱ្យដំណើរការកាន់តែងាយស្រួលសម្រាប់ការមកដល់ព្រះរាជាណាចក្រកម្ពុជា ដែលវាជាមុខងារជំនួសទម្រង់បែបបទអន្តោប្រវេសន៍ក្រដាស ទម្រង់សុខភាព និងសេចក្តីប្រកាសគយដោយផ្តល់ទម្រង់តែមួយ៕
អត្ថបទដោយ៖ ពីង ជូអេង
