ជាទូទៅពេលដែលចង់ខ្ចីលុយធនាគារ គឺគេតែងតែចំណាយពេលធ្វើដំណើរទៅរកទីតាំងផ្ទាល់តែម្ដងទើបខ្ចីបាន ប៉ុន្តែពេលនេះ ធនាគារ វីង បានបង្កើតសេវាកម្ម​ ឌីជីថលឡូន ដែលអាចផ្ដល់កម្ចីផ្ទាល់ខ្លួនគ្មានទ្រព្យបញ្ចាំ មិនត្រូវការអ្នកធានាក្នុងទំហំរហូតដល់ទៅ ៥ម៉ឺនដុល្លារ ហើយអ្នកណាក៏អាចខ្ចីបានដោយគ្រាន់តែប្រើទូរស័ព្ទដៃមួយប៉ុណ្ណោះ។

ឌីជីថលឡូន របស់ធនាគារ វីង មានទំហំចាប់ពី ២០ដុល្លារ រហូតដល់ ៥ម៉ឺនដុល្លារ ដោយតម្រូវទៅតាមសមត្ថភាពរបស់អថិជនគ្រប់វ័យទាំងអស់ ដែលមានគណនីរបស់វីង ឬអតិថិជនដែលប្រើប្រាស់គណនីបើកប្រាក់បៀរវត្សរបស់វីង។ ចំពោះរយៈពេលកម្ចីវិញគឺមានរហូតដល់ទៅ ៣៦ខែ អត្រាការប្រាក់សមរម្យ មិនទាមទារទ្រព្យបញ្ចាំ អ្វីដែលសំខាន់គឺខ្ចីបាន២៤ម៉ោង ទោះធនាគារមិនធ្វើការក៏អាចខ្ចីបាន។

ចំពោះឯកសារតម្រូវវិញ មិនមានអ្វីច្រើនឡើយគ្រាន់តែលោកអ្នកមានគណនីវីងមួយទៅ មានន័យថាទិន្នន័យរបស់លោកអ្នកបានដាក់បញ្ចូលទៅធនាគារវីងរួចរាល់អស់ហើយពេលបង្កើតកុងធនាគារដំបូង។ ការខ្ចីលើកដំបូង អាចនឹងមានការទាមទារឯកសារតិចតួចដែលអ្នកនៅខ្វះ ដូចជារបាយការណ៍ប្រាក់ចំណូលជាដើម ដែលវានឹងលោតទម្រង់ឱ្យអ្នកបំពេញនៅពេលអ្នកដំណើរការស្នើសុំកម្ចី ពេលនោះអ្នកគ្រាន់តែថតរូបភាពដែលគេទាមទារបញ្ចូលតែម្ដង មិនចាំបាច់ទៅដាក់ដល់ធនាគារឡើយ។ 

បន្ទាប់ពីលើកទីមួយដំណើរការជោគជ័យហើយ ពេលដែលលោកអ្នកចង់ខ្ចីលើកក្រោយៗទៀតគឺមិនមានទាមទារឯកសារអ្វីទាំងអស់ ព្រោះថាធនាគារវីង បានរក្សាទិន្នន័យរបស់អ្នកទុករួចហើយ មិនបាច់ស្មុគស្មាញធ្វើច្រើនដងច្រើនសារទេ។ ចំណែកឯការសងវិញ គឺគ្រាន់តែដាក់លុយចូលកុងវីងទៅ ដល់ថ្ងៃគេនឹងកាត់ដោយខ្លួនឯង ហើយបើសិនជាករណីអ្នកភ្លេច ខាងធនាគារក៏មានការផ្ដល់ដំណឹងជូនមុន ១ថ្ងៃទៅ២ថ្ងៃដែរ មិនពិន័យអ្នកភ្លាមៗទេ។

ខាងក្រោមនេះជាវីដេអូដែលបង្ហាញពីវិធីស្នើសុំ ឌីជីថលឡូន ដែលលោកអ្នកអាចស្វែងយល់បន្ថែមបាន៖

សូមជម្រាបផងដែរថា ឌីជីថលឡូន បង្កើតឡើងមកដើម្បីជួយសម្រួលដល់លោកអ្នកដែលត្រូវការលុយបន្ទាន់ អាចស្នើសុំ ប្រកបដោយសុវត្ថិភាព។ មិនខាតពេលវេលាធ្វើដំណើរ ហើយអ្វីដែលសំខាន់បំផុត គឺចៀសផុតពីការចាញ់បោកគេ ពេលចង់ខ្ចីលុយបែបប្រញាប់ប្រើ៕

អត្ថបទដោយ៖ សូ សុខលី

អត្ថបទទាក់ទង៖ https://bit.ly/3XD8hM3