នៅល្ងាចថ្ងៃទី២៤ ខែមីនានេះ នឹងមានបាតុភូតតារាសាស្រ្តដ៏កម្រ Conjunction of the moon and Venus ព្រះច័ន្ទរះជាប់នឹងភពសុក្រអាចមើលឃើញដោយភ្នែកទទេនៅទិសខាងលិចចាប់ពីម៉ោង ៦:៣៧ល្ងាច ដល់ម៉ោង ៧:៤៥យប់។ នេះបើយោងតាមការចេញផ្សាយរបស់គេហទំព័រ Live Science ចុះនាថ្ងៃទី២៣ ខែមីនា ឆ្នាំ២០២៣។
ចាប់ពីសប្តាហ៍នេះតទៅ យើងអាចមើលភពចំនួនប្រាំនៅលើមេឃនាពេលរាត្រី នៅពេលដែលព្រះច័ន្ទរះខ្ពស់ជាងរៀងរាល់យប់។ ក្នុងនោះចាប់ពីថ្ងៃព្រហស្បតិ៍ ទី២៣ ដល់ថ្ងៃព្រហស្បតិ៍ ទី៣០ ខែមីនា យើងនឹងអាចឃើញភពពុធ ភពព្រហស្បតិ៍ ភពសុក្រ អ៊ុយរ៉ានុស និងភពព្រះអង្គារ ភ្លាមៗបន្ទាប់ពីថ្ងៃលិច ខណៈដែលព្រះច័ន្ទលេចចេញដំណើរជុំវិញភពចំនួនប្រាំ៕
អត្ថបទដោយ៖ កាន់ ដារ៉ា (ស្មេរពនេចរ)