នាថ្ងៃទី ១៥ ខែ ធ្នូ ២០២២ ក្រុមហ៊ុន ជីប ម៉ុង រីថែល បានបើកដំណើរការផ្សារទំនើប ជីប ម៉ុង មួយបន្ថែមទៀតហើយ ក្រោយពីបើកដំណើរផ្សារទំនើបដ៏ធំ (ជីប ម៉ុង ២៧១ មេហ្គា ម៉ល) របស់ខ្លួនកាលពីពេលកន្លងទៅ។

យោងតាមការបញ្ជាក់ពីក្រុមហ៊ុននៅមុននេះបន្ដិច បានឲ្យដឹងថា ផ្សារទំនើបថ្មីនេះគឺមានទីតាំងស្ថិតនៅខណ្ឌទួលគោក។ ហើយការបង្កើតផ្សារទំនើបថ្មីឡើងនៅតំបន់មួយនេះដែរ គឺក្រុមហ៊ុន ជីប ម៉ុង គោលបំណងដើម្បីបំពេញតម្រូវការរបស់អតិថិជន ក៏ដូចជាបង្ករនូវភាពងាយស្រួលដល់អតិថិជនក្នុងការទិញទំនិញពីផ្សារទំនើបរបស់ខ្លួន។

គួររំលឹកផងដែរថា កាលពីខែកញ្ញា កន្លងទៅ ក្រុមហ៊ុន ជីប ម៉ុង រីថែល ក៏បានបើកដំណើរការផ្សារទំនើបខ្នាតយក្សរបស់ខ្លួនមួយដែរ ដែលមានឈ្មោះថា ផ្សារទំនើប ជីប ម៉ុង ២៧១​ មេហ្គាម៉ល ដែលមានទីតាំងស្ថិតជាប់នឹងបណ្ដោយផ្លូវ ២៧១។ ហើយផ្សារទំនើបនោះដែរ ត្រូវបានចំណាយថវិកាសាងសង់ជាង ២០០ លានដុល្លារអាមេរិកឯណោះ៕

អត្ថបទ៖ កឹម ប៊ុនធឿន