ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានប្រោសព្រះរាជទានត្រាស់បង្គាប់តំឡើងឋានន្តរសក្តិ ជូនដល់ថ្នាក់ដឹកនាំ២រូប យោងតាមព្រះរាជក្រឹត្យចុះថ្ងៃទី១៦ ខែមីនា ឆ្នាំ២០២៥។
ឋានន្តរសក្តិ ថ្នាក់នាយឧត្តមសេនីយ៍ផុតលេខផ្កាយមាស ៥ នៃកងយោធពលខេមរភូមិន្ទ ត្រូវបានត្រាស់បង្គាប់ ដំឡើងជូនដល់ សម្តេចពិជ័យសេនា ទៀ បាញ់ និង សម្តេចកិត្តិសង្គបណ្ឌិត ម៉ែន សំអន បន្ទាប់ពីថ្នាក់ដឹកនាំទាំងពីរបានចូលរួមយ៉ាងសកម្ម ក្នុងការកសាងជាតិមាតុភូមិ ក្រោមការដឹកនាំដ៏ប៉ិនប្រសព្វនៃមគ្គុទេសដឹកនាំឆ្នើមបំផុត សម្តេចអគ្គមហាសេនាបេតីតេជោ ហ៊ុន សែន ប្រធានព្រឹទ្ធសភាកម្ពុជា និងជាអតីតនាយករដ្ឋមន្រ្តីនៃកម្ពុជា៕
