១កញ្ចប់ត្រឹម៥០០រៀល តែផលិតផលខ្មែរ១នេះ អាចនាំចេញដល់ស្រុកអាមេរិកព្រោះ ផ្លូវ៤ធំៗ
Kan DaraMAY 25 2023655 views

បើផលិតផលខ្មែរកាន់តែទៅមុខប្រជាជនខ្មែរកាន់តែរីកចម្រើន សេដ្ឋកិច្ចកម្ពុជាក៏កាន់តែល្អជាងមុន។ ជាក់ស្តែងដូចជាផលិតផលខ្មែរមួយនេះគឺស្ករគ្រាប់ Frutati ដែលមានតម្លៃត្រឹម៥០០រៀលសោះ ប៉ុន្តែអាចរៀបចំស្តង់ដារខ្ពស់ និងនាំចេញទៅលក់ដល់ស្រុកអាមេរិកព្រោះ៤ផ្លូវធំៗ។

បើតាមលោក បេ ឆៃរ័ត្ន នាយកផ្នែកប្រតិបត្តិនៃក្រុមហ៊ុន Aprati នៃផលិតផលស្ករគ្រាប់ Frutati បានឱ្យដឹងថា “នាពេលសព្វថ្ងៃនេះចក្ខុវិស័យរបស់ផលិតផលយើងមិនទាន់គិតពីប្រាក់ចំណេញភ្លាមៗនោះទេ គឺយើងគិតពីផលចំណេញរយៈពេលវែងលើការផលិតដាក់លក់ក្នុងស្រុក នឹងអាចនាំចេញទៅក្រៅប្រទេសផ្សេងៗជាពិសេសសហរដ្ឋអាមេរិក”។

ដោយឡែកដើម្បីនាំចេញទៅក្រៅស្រុកក្រុមហ៊ុនក៏មានកត្តាធំ៤ផងដែរដើម្បីនាំឱ្យចង្វាក់ផលិតកម្មមានស្តង់ដារគ្រប់គ្រាន់​ទី១គឺការអភិវឌ្ឍផលិតផល ទី២ការផលិតនិងការវេចខ្ជាប់ ទី៣ការគ្រប់គ្រងផលិតផលសម្រេចនិងការដឹកជញ្ចូន និងជំហានទី៤នោះគឺ RND ដែលជាស្តង់ដារចំណីអាហារ។

ក្នុងបទសម្ភាសន៍ជាមួយចាបក្រហម លោក គង់ រត្ន័សីហាក់ អ្នកសម្របសម្រួលអនុលោមភាពនៃផលិតផល បានគូសបញ្ជាក់ឱ្យដឹងថាការអភិវឌ្ឍផលិតផលគឺការបង្កើតនិងកៃច្នៃផលិតផលឱ្យមានគុណភាព​ រសជាតិនិងសុវត្ថិភាព។ ការផលិតនិង ការវេចខ្ជាប់គឺត្រូវឱ្យសមស្របតាមស្តង់ដារសុវត្ថិភាពចំណីអាហាររបស់ក្រសួង និងអាយុកាលរបស់ផលិតផលដែរដោយឆ្លងកាត់មន្ទីរពិសោធន៍យ៉ាងត្រឹមត្រូវ។ ចំពោះការគ្រប់គ្រងផលិតផលសម្រេចបើបញ្ចេញទៅហើយគឺការដឹកជញ្ចូនចូលទីផ្សារ ខាងក្រុមហ៊ុនត្រូវឱ្យប្រាកដថាអតិថិជនទទួលទានដោយសុវត្ថិភាព។

រោងចក្រផលិតស្ករគ្រាប់ Frutati គឺជាផលិតផលខ្មែរស្តង់អាមេរិកកាំង បង្កើតឡើងក្នុងឆ្នាំ២០១៦ នាតំបន់សេដ្ឋកិច្ចពិសេស ដែលទទួលបានសិទ្ធិក្នុងការផលិតពីសំណាក់ក្រុមហ៊ុនដែលមានអាយុកាលជាង១០០ឆ្នាំនៅអាមេរិក ​និងអាចលក់ពាសពេញទីផ្សារក្នុងប្រទេសកម្ពុជាដែលមានតម្លៃត្រឹម៥០០រៀល​​។

គួរជម្រាបផងដែរថាចំពោះស្ករគ្រាប់ខ្មែរដែលបាននាំចេញទៅដល់សហរដ្ឋអាមេរិកនេះ​ ក៏បានចូលរួមចំណែកលើកកម្ពស់អត្តសញ្ញាណខ្មែរសម្រាប់អភិវឌ្ឍន៏ផលិតផល​ផងដែរ ដោយផ្អែកទៅលើរសជាតិនៃស្ករគ្រាប់ ឧទាហរណ៍ដូចជារសជាតិ លតខ្មែរ ផ្លែព្រីងឬស្វាយត្របែកផ្សំអំបិលម្ទេសជាដើម ដែលនេះគឺជាគំនិតទីផ្សារដើម្បីឱ្យសមស្របតាមចំណង់ចំណូលចិត្តអតិថិជន ក្នុងតំបន់មួយ៕

341755276 1194469477933608 2342799043071062542 N

340278813 477597011162558 5669935644851798882 N

អត្ថបទដោយ៖ ពីង ជូអេង 

 

 

អត្ថបទពេញនិយមប្រចាំខែ
អត្ថបទថ្មីៗ
Footer Background
Business Cambodia
បំផុសគំនិតរកស៊ី នាំមនុស្សឱ្យហ៊ានចេញរកស៊ីតាមក្ដីស្រមៃ
© 2024 Baksey Media. All Rights Reserved.
Developed by: Technology Cambodia