កាលពីខែកុម្ភៈឆ្នាំ២០២៥នេះក្រុមហ៊ុន Apple បានប្រកាសចេញនូវiPhone 16e ដែលជាម៉ូដែលទូរស័ព្ទលំដាប់ថវិកាក្នុងខ្សែស្រឡាយiPhone 16 ស៊េរី តម្លៃខ្ទង់៥៩៩ដុល្លារដើម្បីវាយលុកចូលក្នុងទីផ្សារទូរស័ព្ទលំដាប់ថវិកក្រោយពីខ្លួនបានបញ្ចេញទូរស័ព្ទiPhone 16 ស៊េរី។
បើយោងតាមការចុះផ្សាយរបស់ MacRumors បានឲ្យដឹងថាក្រុមហ៊ុន Apple បានសម្រេចឈប់ផលិតនិងលក់ទូរស័ព្ទiPhone 14 និងiPhone 14Plus ជាផ្លូវការថែមទាំងបានដកចេញខ្សែស្រឡាយiPhone 14 ក្រោយពីប្រកាសចេញiPhone 16e។
ក្រៅពីiPhone 14និងiPhone 14Plus បើយោងតាមវេបសាយGSMArena បានចុះផ្សាយថាក្រោយពីបញ្ចេញiPhone 16e ពេលនេះក្រុមហ៊ុនApple បានសម្លាប់iPhone SE ហើយពោលគឺឈប់ផលិតនិងលក់iPhone ម៉ូដែលលំដាប់ថវិកាមួយនេះទៀតហើយ។
ចំពោះiPhone SE គឺពេលនេះលោកអ្នកមិនអាចរកទិញបានទៀតទេពោលគឺវាត្រូវបានគេដកចេញពីគ្រប់ហាង Apple Stores ទាំងអស់។
គួរបញ្ជាក់ផងដែរថាApple បានបញ្ចប់ជីវិតទូរស័ព្ទiPhone 14, iPhone 14Plus និងiPhone SE អាចដោយសារម៉ូដែលទូរស័ព្ទទាំង៣នេះមានតម្លៃប្រហាក់ប្រហែលនិងiPhone 16e ដែលទើបប្រកាសចេញក្ដៅៗ។ មួយវិញទៀតការសម្លាប់ម៉ូដែលiPhoneចាស់ៗទាំងនេះអាចធ្វើឲ្យiPhone 16e របស់Apple កាន់តែមានការចាប់អារម្មណ៍និងលេចធ្លោទៀតផង៕
