ដើម្បីផ្តល់ភាពងាយស្រួល ក្នុងគោលដៅទាក់ទាញអ្នកទេសចរឱ្យបានកាន់តែច្រើន រាជរដ្ឋាភិបាលកម្ពុជា បានដាក់ឱ្យអនុវត្តនូវថ្នាលឌីជីថល សម្រាប់ការលក់ និង ត្រួតពិនិត្យសំបុត្រចូលទស្សនាតំបន់រមណីយដ្ឋានអង្គរ និងគោលដៅទេសចរណ៍ពាក់ព័ន្ធផ្សេងទៀត ក្រោមសមត្ថកិច្ចរបស់គ្រឹះស្ថានអង្គរ ។
នៅថ្ងៃទី៣០ ខែមករា ឆ្នាំ២០២៥នេះ ថ្នាលឌីជីថលថ្មីនេះ ត្រូវបានដាក់ឱ្យប្រើប្រាស់ជាផ្លូវការ សម្រាប់ជាជំនួយសម្រួលដល់ការទិញសំបុត្ររបស់អ្នកទេសចរ នឹងមិនត្រូវការព័ត៌មានស្មុគស្មាញ ច្រើនដូចមុននោះទេ ពោលគឺអ្នកទេសចរនឹងអាច ទិញសំបុត្រទស្សនារមណីយដ្ឋានានា ដែលជាដៃគូសហការ តាមប្រព័ន្ធអនឡាញបាន ។
ក្នុងនោះគ្រឹះស្ថានអង្គរនឹងមាន ប្រព័ន្ធលក់សំបុត្រអនឡាញ ដែលអនុញ្ញាតឱ្យភ្ញៀវទេសចរអន្តរជាតិ អាចទិញសំបុត្រចូលទស្សនារមណីយដ្ឋាននានាបាន តាមរយៈគេហទំព័រ(www.angkorenterprise.gov.kh) និងតាម Mobile App ដែលមាននៅលើ Google និង Apple store ឬតាមបញ្ជរលក់សំបុត្រដែលមានទីតាំងនៅគ្រឹះស្ថានអង្គរ, ប៉ាវីអង្គរ និង នៅផ្សារទំនើបដ៏ហេរីថោកវ៉ក៕
ទាញយកកម្មវិធីទូរស័ព្ទដៃ Angkor Pass៖ https://qr-angkor.debc.gov.kh
ទីតាំងបញ្ជរលក់សំបុត្រឌីជីថល នៅផ្សារទំនើប The Heritage Walk
