ក្រោយផលិតផលខ្មែរបង្ហាញវត្តមាននៅលើវេបសាយលក់ផលិតផល Alibaba ពេលនេះក្រសួងបានបន្តសហការជាមួយក្រុមហ៊ុនយក្សចិន Alibaba ដើម្បីបន្តយកផលិតផលខ្មែរទៅដាក់លក់នៅលើវេបសាយចំនួនពីរផ្សេងទៀត។

ជាក់ស្តែង កាលពីពេលថ្មីៗកន្លងទៅ ក្នុងកិច្ចប្រជុំពិភាក្សាការងារបច្ចេកទេសជាមួយក្រុមហ៊ុន Alibaba.com លោកជំទាវ សេរី បូរាពេជ្រ លេខាធិការក្រសួងពាណិជ្ជកម្ម បានធ្វើការពិភាក្សាបន្ថែមក្នុងការជម្រុញផលិតផលខ្មែរលក់នៅលើវេបសាយ Alibaba បន្ថែមទៀត និងបានធ្វើការសិក្សាស្វែងយល់ការលក់ផលិតផលលើវេបសាយ TMall និង Lazada ផងដែរ។

គួរបញ្ជក់ផងដែរថា វេបសាយ Tmall និង វេបសាយ Lazada គឺជាវេបសាយដែលស្ថិតនៅក្រោមការគ្រប់គ្រងរបស់ក្រុមហ៊ុន Alibaba បច្ចុប្បន្នវេបសាយទាំងពីរនេះមានអ្នកប្រើប្រាស់ប្រមាណជា ៥៦០លាននាក់ ជាមួយនឹងអ្នកលក់ ១៥៥,០០០ និងមានផលិតផលជាង ៣ពាន់ប្រភេទបានលក់នៅលើវេបសាយនេះ៕