ជាដំណឹងដ៏គួរឲ្យភ្ញាក់ផ្អើលមួយមិនធ្លាប់មាន ដោយកីឡាករជនជាតិជប៉ុនមួយរូប បានសម្រេចចិត្តចូលរួមដើរលើវិថីបាល់ទាត់ជាមួយក្រុមជម្រើសជាតិកម្ពុជា ដើម្បីរួមគ្នាកសាងប្រវត្តិសាស្ត្រថ្មីលើវិថីនេះ។

បើយោងតាមការបញ្ជាក់របស់ សហព័ន្ធកីឡាបាល់ទាត់កម្ពុជា នាព្រឹកថ្ងៃទី០៦ ខែតុលា ឆ្នាំ២០២៣នេះ បានលើកឡើងយ៉ាងដូច្នេះថា៖ «ស្វាគមន៍កីឡាករ Yudai Ogawa មកកាន់ក្រុមជម្រើសជាតិកម្ពុជា ជូនពរជោគជ័យលើវិថីបាល់ទាត់ជាមួយក្រុមជម្រើសជាតិយើង។ “ទាំងអស់គ្នាដើម្បីកម្ពុជា”»។

គួរជម្រាបផងដែរថា កីឡាករ Yudai Ogawa គឺជាកីឡាករមួយរូបមានវ័យ២៧ឆ្នាំ បាននឹងកំពុងប្រកបអាជីពនៅក្លឹបបាល់ទាត់ភ្នំពេញក្រោន ចាប់តាំងពីឆ្នាំ២០២០មកម្ល៉េះ៕

អត្ថបទដោយ៖ កាន់ ដារ៉ា (ស្មេរពនេចរ)