រដ្ឋាករទឹកស្វយ័តក្រុងភ្នំពេញ នៅថ្ងៃទី១២ ខែមករា ឆ្នាំ២០២៤នេះ បានជម្រាបជូនដំណឹងអំពីសភាពទឹកល្អក់មួយរយៈពេលខ្លី ដល់បងប្អូនប្រជាពលរដ្ឋដែលរស់នៅប៉ែកខាងលិចរាជធានី ចំនួន៣សង្កាត់រួមមាន៖
- សង្កាត់ចោមចៅទី១ ចោមចៅទី២ ចោមចៅទី៣ និងសង្កាត់សំរោងក្រោម ខណ្ឌពោធិ៍សែនជ័យ
- សង្កាត់កន្ទោក និងសង្កាត់ស្នោរ ខណ្ឌកំបូល
- សង្កាត់គោករកា ខណ្ឌព្រែកព្នៅ
ការរអាក់រអួលនេះបណ្តាលមកពីបច្ចុប្បន្ន រ.ទ.ស.ភ កំពុងអនុវត្តការងារបញ្ចូលទឹកស្អាតទៅក្នុងបំពង់មេនាំទឹក ទំហំ ១៤០០មម ដើម្បីបញ្ជូនទឹកទៅផ្គត់ផ្គង់បង្កើនសម្ពាធបំពេញសេចក្តីត្រូវការរបស់ប្រជាពលរដ្ឋ និងត្រៀមសម្រាប់រដូវប្រាំងចូលមកដល់ពេលខាងមុខផងដែរ។
អាស្រ័យហេតុនេះរដ្ឋាករទឹកសូមការយោគយល់ ខណៈក្រុមការងារកំពុងពន្លឿនបង្ហូរលាងបំពង់និងបានបង្ថែមក្រុមការងា ដើម្បីឱ្យទឹកស្អាតត្រលប់មកមានសភាពធម្មតាឡើងវិញ។ ដូច្នេះក្នុងករណីមានទឹកល្អក់នៅទីតាំងផ្ទះបងប្អូនបន្ទាប់ពីថ្ងៃស្អែកឬរយៈពេលយូរ សូមរាយការណ៍ទៅកាន់រដ្ឋាករទឹកស្វយក្រុងភ្នំពេញ៕
