ភ្លើងបានឆេះព្រៃជិត៤០០ ហិកតា នៅលើភ្នំ Khao Loi ក្នុងស្រុក Pak Chong ខេត្ត Nakhon Ratchasima ដែលមានចម្ងាយប្រហែល ៥គីឡូម៉ែត្រ ពីព្រំប្រទល់នៃឧទ្យានជាតិ Khao Yai ដែលជាតំបន់បេតិកភណ្ឌពិភពលោកមួយ របស់អង្គការយូណេស្កូក្នុងប្រទេសថៃ។
ភ្លើងឆេះព្រៃនេះបានចាប់ផ្តើមតាំងពីទី៣ ខែមករា ដែលបានឆាបឆេះអស់ប្រហែល ៨០ ហិកតាប៉ុន្តែត្រូវបានពន្លត់និងគ្រប់គ្រងបាន។ រហូតដល់ថ្ងៃទី៥ ខែមករា ភ្លើងបានឆាបឆេះជាលើកទី២ បន្ថែមលើការខូចខាតជាច្រើន និងបន្តលើផ្ទៃដីសរុបជិត៤០០ហិកតា។
យ៉ាងណាមិញតាមរយៈក្រសួងធនធានធម្មជាតិ និងបរិស្ថានរបស់ថៃបានរំពឹងថាអគ្គិភ័យនឹងអាចគ្រប់គ្រងបាននៅថ្ងៃទី១១ ខែមករា ប៉ុន្តែមកទល់នឹងពេលនេះចំពោះដំណឹងចុងក្រោយ នៅមិនទាន់ បានបញ្ជាក់ថាអាចគ្រប់គ្រងបានឬនៅទេ ខណៈព័ត៌មានអំពីការរងគ្រោះរបស់មនុស្ស សត្វ ហេដ្ឋារចនាសម្ព័ន្ធ ក៏ពុំទាន់ច្បាស់ការណ៍នៅឡើយ។
ក្នុងនោះការបញ្ជាក់ពីលោក Kittiwat Thiempeng ប្រធានស្ថានីយ៍គ្រប់គ្រងភ្លើងឆេះព្រៃនៅ Khao Yai បានឱ្យដឹងថាភ្លើងបានប៉ះពាល់ទៅដល់តំបន់នៅក្នុងព្រៃបម្រុងដូចជា Khao Siad Ah ព្រៃ Khao Nok Yung និងព្រៃ Khao Ang Hin ក្នុង tambon Phaya Yen។
តាមប្រភពពីកាសែត Bangkok Post បានបញ្ជាក់មូលហេតុសន្ឋិដ្ឋាន ថាការឆេះនេះ ជាប់ពាក់ព័ន្ធនឹងការបរបាញ់សត្វព្រៃ៕
