ក្រោយពីប្រធានាធិបតីអាមេរិកលោក Donal Trump បានដាក់ពន្ធទៅលើការនាំចូលរបស់ថៃ រហូតដល់ ៣៦ភាគរយ ពេលនេះនាយករដ្ឋមន្រ្តីថៃលោកស្រី Paetongtarn Shinawatra បាននិយាយថាឥលូវនេះយើងកំពុងយើងកំពុងធ្វើការចរចាដើម្បីសម្របសម្រួលនិងទប់ស្កាត់ផលប៉ះពាល់ណាមួយលើផលិតផលក្នុងស្រុកសរុប។ នេះបើយោងតាមការចុះផ្សាយទៅលើសារព័ត៌មាន The Nation។

ប្រភពខាងលើបានបន្តឱ្យដឹងទៀតថា នាយករដ្ឋមន្ត្រី Paetongtarn Shinawatra បានធានាឡើងវិញថា មិនចាំបាច់ព្រួយបារម្ភអំពីសហរដ្ឋអាមេរិកអំពីការដំឡើងពន្ធ 36% លើការនាំចូលរបស់ថៃនោះទេ ព្រោះវិធានការនានាមានរួចហើយ ដើម្បីដោះស្រាយបញ្ហានេះ។ ទាំងនេះរួមមានការរៀបចំរចនាសម្ព័ន្ធពន្ធនាំចូល និងការបង្កើតក្រុមចរចាដោយមានទំនុកចិត្តថាការពិភាក្សាអាចផ្តល់លទ្ធផលអំណោយផលហើយ វិធានការ​នេះ​នឹង​មិន​ប៉ះពាល់​ដល់ GDP របស់​ប្រទេស​ថៃ​ឡើយ​។

នាយករដ្ឋមន្ត្រី Paetongtarn Shinawatra ក៏បានបញ្ជាក់ថា ការសម្រេចចិត្តរបស់សហរដ្ឋអាមេរិកក្នុងការដំឡើងពន្ធនាំចូល ៣៦% លើផលិតផលថៃ ដែលជាអត្រាខ្ពស់បំផុតមួយនៅក្នុងអាស៊ាន ប្រទេសថៃត្រូវការកែសម្រួលរចនាសម្ព័ន្ធពន្ធនាំចូលរបស់ខ្លួនជាមួយសហរដ្ឋអាមេរិក និងបង្កើតក្រុមការងារសម្រាប់ការចរចាផងដែរ៕