តាមរបាយការណ៍ពីសេតវិមាន ​នៅថ្ងៃទី០៣ ខែមេសា ឆ្នាំ២០២៥នេះ បានបញ្ជាក់ថាសហរដ្ឋអាមេរិក បានតំឡើងពន្ធកម្រិតខ្ពស់ លើការនាំចូលទំនិញ ពីប្រទេសក្នុងតំបន់អាស៊ី ដែលក្នុងនោះកម្ពុជាស្ថិតនៅអត្រា៤៩% ។

យ៉ាងណាមិញសម្រាប់មូលហេតុនៃការតំឡើងពន្ធគយលើប្រទេសក្នុងតំបន់អាស៊ីនិងរួមទាំងសហភាពអ៊ឺរ៉ុបផងដែរនោះ សេតវិមានបានបញ្ជាក់អំពី​ឱនភាពពាណិជ្ជកម្ម ដែលឆ្លើយតបនិងតម្លៃពន្ធនៃប្រទេសទាំងនោះបានដាក់ទៅលើសហរដ្ឋអាមេរិកដូចគ្នា។ 

ម្យ៉ាងវិញទៀត ប្រធានាធិបតី Trump ក៏មានតម្រូវការធ្វើតាមការសន្យាក្នុងគោលនយោបាយរបស់លោកកាលពីឆ្នាំមុន ក្នុងការស្តារវិស័យផលិតកម្មនិងឧស្សាហកម្មនៅសហរដ្ឋអាមេរិកឡើងវិញផងដែរ។

បញ្ជាក់អំពីឱនភាពពាណ្ជិកម្ម ប្រធានាធិបតីអាមេរិកបានលើកឡើងនៅក្នុងសេចក្តីថ្លែងការដូច្នេះថា «រយៈពេលជាង ៥ទសវត្សរ៍មកហើយដែលសហរដ្ឋអាមេរិកត្រូវបានកេងចំណេញដោយប្រទេសជិត និងឆ្ងាយ ទាំងមិត្តនិងសត្រូវ»។

បន្តនៅក្នុងសួន Rose Garden នៃសេតវិមាន លោក Trump បានបន្ថែមថា «វាគឺជាការប្រកាសឯករាជ្យរបស់យើងថ្ងៃនេះយើងកំពុងក្រោកឈរឡើងសម្រាប់កម្មករអាមេរិក យើងកំពុងដាក់អាមេរិកជាអាទិភាព ដោយហៅវាថាថ្ងៃដ៏សំខាន់បំផុតមួយ តាមគំនិតរបស់ខ្ញុំក្នុងប្រវត្តិសាស្ត្រអាមេរិក»។

សូមបញ្ជាក់ថាជុំវិញដំណឺងនៃការសម្រេចចិត្តលើតម្លៃពន្ធគយរបស់ប្រធានាធិបតីអាមេរិកនេះក៏បានធ្វើវិភាគសេដ្ឋកិច្ចអាមេរិកជាច្រើន មានការភ្ញាក់ផ្អើល។ ក្នុងនោះបើលោក Ken Rogoff អតីតប្រធានសេដ្ឋវិទូនៅមូលនិធិរូបិយវត្ថុអន្តរជាតិបានប្រាប់កាសែត BBC ដូច្នេះថា «Trump ស្រាប់តែទម្លាក់គ្រាប់បែកនុយក្លេអ៊ែរ លើប្រព័ន្ធពាណិជ្ជកម្មពិភពលោក»៕

អត្ថបទដោយ៖ ពីង ជូអេង