បច្ចុប្បន្នអាជីវកម្មក្នុងស្រុកខ្មែរកំពុងរីកដូចផ្សិត ជាពិសេសអាជីវកម្មខ្នាតតូចនិងមធ្យម មានចម្រុះរសនិយម ប្រកបដោយភាពសម្បូរបែប។ ប៉ុន្តែថ្ងៃនេះយើងនឹងនាំមិត្តអ្នកអានមកស្គាល់វិស័យកំពូលៗទាំង១០ ដែលប្រជាជនថៃ កំពុងរកស៊ីកាក់កបខ្លាំងនិងទាញចំណូលបានខ្ពស់ក្នុងចុងឆ្នាំ២០២២ ដោយយោងតាមការចេញផ្សាយរបស់ទស្សនាវដ្តី Forbes៖
១/. វិស័យម្ហូបអាហារ៖ ប្រជាជនថៃចូលចិត្តអាហារ មិនមែនត្រឹមតែប្រភេទអាហាររបស់ពួកគេទេ ប៉ុន្តែក៏ជាម្ហូបអន្តរជាតិផងដែរ។ និន្នាការនៃការញ៉ាំអាហារនៅខាងក្រៅគឺពេញនិយមខ្លាំងក្នុងប្រទេសក្បែរខាងកម្ពុជាមួយនេះ។ ការបង្កើតយីហោអាហារអាចទទួលបានផលចំណេញខ្ពស់ និងជោគជ័យយ៉ាងពិតប្រាកដក្នុងប្រទេសថៃ។
២/. វិស័យទេសចរណ៍ និងអ្នកនាំភ្ញៀវ៖ ផ្តល់សេវាកម្មសម្រាប់ភ្ញៀវក្នុងវិស័យទេសចរណ៍ គឺជារបរកំពុងរកចំណូលបានខ្ពស់លើទឹកដីប្រទេសថៃ។ ការចាប់ផ្តើមអាជីវកម្មតូចមួយនៃការផ្តល់អ្នកបកប្រែ ឬអ្នកនាំភ្ញៀវធ្វើដំណើរទេសចរណ៍បែបប្រវត្តិសាស្រ្តក្នុងតម្លៃសមរម្យ ឬហាងបុរាណដែលអាចទាក់ចិត្តភ្ញៀវទេសចរណ៍ សុទ្ធតែជារបរកំពុងត្រូវប៉ាន់ខ្លាំង។
៣/. ឧស្សាហកម្មវាយនភណ្ឌ៖ ប្រទេសថៃជាប្រទេសនាំចេញវាយនភណ្ឌដ៏ធំមួយដែលផលិតសូត្រ និងវាយនភ័ណ្ឌកប្បាសល្អដែលបាននាំចេញទៅទ្វីបអឺរ៉ុប និងជប៉ុន។ វាជាវិស័យដែលផ្លាស់ប្តូរ និងរីកចម្រើនយ៉ាងឆាប់រហ័ស ចំពោះការបង្កើតអាជីវកម្មក្នុងវិស័យនេះអាចទទួលបានផ្លែផ្កាខ្ពស់។
៤/. រចនាគ្រឿងអលង្ការ៖ ការរចនាគ្រឿងអលង្ការគឺជាផ្នែកដ៏ពេញនិយមនៃវិស័យផលិតកម្មរបស់ប្រទេសថៃ។ វិស័យនេះមានវិសាលភាពដ៏ធំសម្បើម ដោយសារមានតម្រូវការសមុទ្រខៀវ (ទីផ្សារមិនទាន់ឆ្អែត តម្រូវការទីផ្សារខ្ពស់ខ្លាំង) សម្រាប់គ្រឿងអ្នករចនាអលង្ការ។
៥/. ឧស្សាហកម្មកៅស៊ូ៖ កៅស៊ូគឺជាសម្ភារៈសំខាន់សម្រាប់ការបង្កើតផលិតផលប្រើប្រាស់ជាច្រើន។ នៅក្នុងវិស័យឧស្សាហកម្ម វាជាសម្ភារៈដ៏ល្អ។ ក្នុងប៉ុន្មានឆ្នាំខាងមុខនេះ ផលិតកម្មរបស់វិស័យនេះនឹងកើនឡើងខ្ពស់។
៦/. ផ្នែក IT និង Software៖ ក្នុងនាមជាប្រទេសកំពុងអភិវឌ្ឍន៍មួយ ប្រទេសថៃត្រូវការឌីជីថលនីយកម្មយ៉ាងស៊ីជម្រៅនៃសេដ្ឋកិច្ច និងសេវាសង្គម។ មិនថាសន្តិសុខឌីជីថល ឬសកម្មភាពប្រចាំថ្ងៃភ្ជាប់ជាមួយបច្ចេកវិទ្យា វាមានវិសាលភាពល្អសម្រាប់របរថ្មីៗនៅក្នុងវិស័យនេះ។
៧/. វិស័យនាំចេញ និងនាំចូល៖ ប្រទេសថៃពឹងផ្អែកខ្លាំងលើការនាំចេញនិងការនាំចូលសម្រាប់ដំណើរការសេដ្ឋកិច្ចរបស់ខ្លួនក្រៅពីវិស័យទេសចរណ៍។ ដោយផ្អែកលើផលិតផលណាមួយដែលកំពុងត្រូវបាននាំចូល ឬនាំចេញ អាជីវកម្មអាចមានភាពអំណោយផល។
៨/. អាជីវកម្មក្លឹបរាត្រី៖ ប្រទេសថៃត្រូវបានគេស្គាល់ថា ជាប្រទេសនៃការកម្សាន្តពេលរាត្រីដ៏ស្រស់ស្អាត ជាកន្លែងរួមបញ្ចូលគ្នានៃអាហារ ទេសចរណ៍ និងអាជីវកម្មខ្នាតតូច។ ទោះបីជារបររកស៊ីពេលរាត្រីទើបថ្មីថ្មោងក៏ដោយ វាមានផលចំណេញខ្ពស់ ដោយសារតម្រូវការកន្លែងសម្រាប់ទំនាក់ទំនងសង្គមមានកម្រិតខ្ពស់នៅក្នុងប្រទេសថៃ។
៩/. វិស័យបដិសណ្ឋារកិច្ច និងថែទាំសុខភាព៖ រដ្ឋាភិបាលថៃបានកំណត់គោលដៅរីកចម្រើនក្នុងវិស័យនេះ ដោយរក្សាធាតុសំខាន់ចំនួនបួនគឺសេវាវេជ្ជសាស្ត្រ ការសិក្សា សុខភាព និងផលិតផល។ ធាតុទាំងបួននេះបង្ហាញពីការបង្កើតអាជីវកម្មដែលរកប្រាក់ចំណេញនៅក្នុងវិស័យនេះដោយផ្តោតលើការបង្កើតមូលដ្ឋានគ្រឹះផ្នែកវេជ្ជសាស្រ្តដ៏រឹងមាំនៅក្នុងប្រទេសថៃ។
១០/. ទីផ្សារឌីជីថល៖ ពិភពលោកកំពុងសម្របខ្លួនទៅនឹងវេទិកាឌីជីថល ហើយទីផ្សារគឺជាផ្នែកមួយរបស់វាដែលមានតម្រូវការខ្ពស់។ មានកន្លែងងាយស្រួលសម្រាប់ការបើកអាជីវកម្មតាមប្រព័ន្ធឌីជីថល ដែលទាក់ទងនឹងការផ្សព្វផ្សាយផលិតផល និងគេហទំព័រដែលបង់ប្រាក់នៅក្នុងប្រទេសថៃ៕
អត្ថបទដោយ៖ កាន់ ដារ៉ា (ស្មេរពនេចរ) ម្ចាស់ស្នាដៃសៀវភៅ «ច្រវាក់ប្រាក់ខែ»
ចែករំលែកគំនិត ឬផ្សព្វផ្សាយអាជីវកម្មអ្នកទីនេះ សូមទំនាក់ទំនង ០៩៦ ៤៩៩ ៧៣ ៦៦
