ដើម្បីជួយដល់កងទ័ពជួរមុខកម្ពុជា ដែលកំពុងឈរជើងនៅបណ្តោយព្រំដែនកម្ពុជា-ថៃ ពេលនេះមានសប្បុរសជនខ្មែរជាបន្ដបន្ទាប់បានចាប់ផ្ដើមឧបត្ថមថវិកាផ្ទាល់ខ្លួន ដើម្បីទិញសម្ភារ និងស្បៀងអាហារជាដើម។ ជាក់ស្ដែងនៅថ្ងៃទី២៦ ខែកក្កដា ឆ្នាំ២០២៥ ឧកញ៉ា ៣ រូបដែលជាម្ចាស់ក្រុមហ៊ុនធំៗនៅខ្មែរបានប្រកាសឧបត្ថមថវិកាម្នាក់ ១ លានដុល្លារ ជួយដល់កងទ័ពជួរមុខផងដែរ។

១. លោកជំទាវលោកអ្នកឧកញ៉ា ភាព ហៀក ស្ថាបនិកក្រុមហ៊ុន ជីប ម៉ុង គ្រុប ដែលជាក្រុមហ៊ុនបង្កើតឡើងដោយកូនខ្មែរបានប្រកាសឧបត្ថមថវិកា ១ លានដុល្លារ។

២. លោកអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមហ៊ុនរ៉ូយាល់គ្រូប ព្រមទាំងភរិយា បានប្រកាសឧបត្ថមថវិកា ១ លានដុល្លារ។

៣. អ្នកឧកញ៉ា ឃុន​ សៀ នាយក​ក្រុមហ៊ុន TP Moral Group (TPMG) ក៏បានប្រកាសឧបត្ថមថវិកាចំនួន ១ លានដុល្លារជូនដល់កងទ័ពជួរមុខកម្ពុជា ដែលឈរជើងនៅបណ្តោយព្រំដែនកម្ពុជា-ថៃនេះផងដែរ៕