នៅថ្ងៃនេះរដ្ឋាភិបាលអាមរិកដែលដឹកនាំដោយលោក Dondald Trump បានប្រកាសពីការដំឡើងពន្ធនាំចូលថ្មីដោយក្នុងនោះក៏មានកម្ពុជាផងដែរដោយរដ្ឋាភិបាលអាមេរិកបានដំឡើងពន្ធនាំចូលរបស់កម្ពុជារហូតដល់ទៅ៤៩%ជាអត្រាពន្ធដ៏ខ្ពស់បំផុតមួយផង។
ជុំវិញបញ្ហាការដំឡើងពន្ធនាំចូលរងបស់រដ្ឋាភិបាលអាមេរិកត្រូវបានអ្នកជំនាញសេដ្ឋកិច្ចមួយចំនួនបានលើកឡើងពីបញ្ហាមួយចំនួនដែលពិភពលោកអាចនឹងជួបពេលអាមេរិកចាប់ផ្ដើមដំឡើងពន្ធនាំចូលទូទាំងពិភពលោកបែបនេះ។
បើយោងតាមការចុះផ្សាយរបស់សារព័ត៌មាន Reuters លោក Takahide Kiuchi ដែលជាអ្នកសេដ្ឋកិច្ចនៅវិទ្យាស្ថានស្រាវជ្រាវ Nomura បានឲ្យដឹងថាការដំឡើងពន្ធរបស់ត្រាំនឹងធ្វើឲ្យមានហានិភ័យ ដោយបំផ្លាញការធ្វើពាណិជ្ជកម្មសេរីនៅលើសកលលោក។
ចំណែកលោក Antonio Fatas អ្នកជំនាញផ្នែកម៉ាក្រូសេដ្ឋកិច្ចនៅសាលា INSEAD business schoolបានលើកឡើងថាលោកអាចមើលឃើញថាសេដ្ឋកិច្ចសកលនឹងកាន់តែអាក្រក់ទៅៗ ភាពមិនច្បាស់លាស់នៃសេដ្ឋកិច្ចកាន់តែច្រើន ហើយវានឹងឆ្ពោះទៅវិបត្តិសេដ្ឋកិច្ចសកល។
កាលពីពេលថ្មីៗនេះសេដ្ឋី Warren Buffett ដែលជាស្ដេចវិនិយោគជើងចាស់ការយកពន្ធនាំចូលពីលោកត្រាំទៅលើប្រទេសមួយចំនួនជាពិសេសប្រទេសធំៗអាចនឹងធ្វើឲ្យពិភពវិបត្តិធំ២នោះគឺការកើនឡើងនៃអតិផរណានិងសង្រ្គាម។
សេដ្ឋីវិនិយោគជើងចាស់រូបនេះបានបន្ថែមការយកពន្ធនាំចូលក៏អាចធ្វើឲ្យពិភពិភពលោកជួបវិបត្តិអតិផរណាផងដែរ។ ត្រង់នេះលោកបញ្ជាក់ថាតម្លៃទំនិញនិងសេវាកម្មនៅលើទីផ្សារនឹងកាន់តែឡើងថ្លៃឆ្នាំចាប់ពីឥឡូវទៅ១០ឆ្នាំ ២០ឆ្នាំនិង៣០ឆ្នាំខាងមុខទៀត៕
