យោងការផ្សាយរបស់ ទីភ្នាក់ងារជាតិមុខរបរ និងការងារ កាលពីពេកថ្មីៗកន្លងទៅបានឱ្យដឹងថា​ សម្រាប់ឆ្នាំ ២០២២ នេះ ពិព័រណ៍ការងារ និងផលិតភាពជាតិ ដែលសហការរៀបចំដោយ NEA, ស.ស.យ.ក រាជធានីភ្នំពេញ និង GMAC នឹងនាំមកនូវឱកាសការងារជាង ២ ម៉ឺនកន្លែងពីក្រុមហ៊ុនធំៗជាង ១៥០ ក្រុមហ៊ុន នៅអគារពិព័រណ៍កោះពេជ្រ រយៈពេលពីរថ្ងៃ គឺថ្ងៃ ទី២៨-២៩ ខែតុលា ឆ្នាំ ២០២២ ចាប់ពីម៉ោង ៨ ព្រឹក ដល់ ៨ យប់។

ក្នុងពិរពណ៍ការងារដ៏ធំប្រចាំដែលរៀបចំឡើងដោយ ទីភ្នាក់ងារជាតិមុខរបរ និងការងារ នេះក្នុងចំណោមក្រុមហ៊ុនជាង ១៥០ក្រុមហ៊ុន ក៏មានធនាគារនិងគ្រឹះស្ថានមីក្រូហិរញ្ញវត្ថុល្បីៗជាច្រើនជ្រើសរើសបុគ្គលិកភ្លាមៗនៅទីតាំងកោះពេជ្រនៅថ្ងៃទី ២៨-២៩ ខែតុលា ឆ្នាំ ២០២២ ផងដែរ។ដែលធនាគារនិងមីក្រូហិរញ្ញវត្ថុទាំងនោះរួមមាន ៖

១.ធនាគារ ABA

២.ធនាគារកាណាឌីយ៉ាល់

៣.ធនាគារ Prince

៤.ធនាគារកម្ពុជាសាធារណៈ

៥.ធនាគារ Wing

៦.ធនាគារស្ថាបនា

៧.ធនាគារ HH Bank

៨.ធនាគារកាថេយូណៃធីត

៩.ធនាគារ BIDC

១០.ធនាគារវឌ្ឍនៈ

ជាមួយគ្នានេះដែរ ក្រៅពីទទួលបានឱកាសការងាររាប់ម៉ឺនកន្លែង បងប្អូនទាំងអស់គ្នាក៏អាចចូលរួមក្នុងសិក្ខាសាលាចែករំលែកចំណេះដឹងពីការលើកកម្ពស់ផលិតភាពដោយវាគ្មិនជាតិ និងអន្តរជាតិល្បីៗផងដែរ។ដូច្នេះសម្រាប់អ្នកចាប់អារម្មណ៍ កំពុងរកការងារអាចត្រៀម CV យកទៅសម្ភាសន៍ក្នុងពិរពណ៍ការងារនាពេលខាងមុខនេះ៕

ខ្វះគំនិតរកស៊ី​ ចង់បានសៀវភៅចែកជូនហ្វ្រី ចង់ជួបវាគ្មិនដែលជាសហគ្រិនល្បីៗ សូមកុំភ្លេចមកចូលរួមពិព័រណ៍​ Startup Expo 2022 សូមចូលក្នុងគ្រុបនេះ https://t.me/startupexpo2022​

អត្ថបទដោយ៖សម្បត្តិ សុខឡាង